يااااااااااااااااااعمري ياراوين,, الله يسعدك ويجزاك الف خير..والله ماسويت شي يالغلا..
بالنسبه للهديه..اول شي ع حسب امكاناتك..يعني جيبي لها هديه على قد فلوسك وهي اذا تعزك معزتك بتغطي ع الهديه..ومن ناحية الافكار امممم..
فيه وحده من قريباتي تزوجت بالصيفيه..المهم احتست مدري وش اجيب خصوصا انها غاااااااااااااليه علي..بعدين وانا ادور في الجامعة مول لقيت محل اسمه(ume)المشكله مااعرف اسمه بالعربي هو حق عطور ومكياجات واغراض للجسم..يعني اشياء طبيعيه بس,,طبعا المحل يهبل شكله<<اخلصي خخخ..
عندهم هدايا جنان هي تجي: كريم+2عطر+صابونه+اشياء ثانيه ناسيتها..بس انها كبيره وتجمل وتجي بسله فيها ورد مجفف ومغلفه بس كانت روعه حتى عجبت العروسه مره..اشتريتها بـ280 تقريبا.. ويجي معها هديه4عطور<<طبعا لطشتها..
وفيه في ذي بودي شوب سمعت انها بـ400 بس ماقد شفتها حتى يقولون حجمها وسط ..وعندك (نكتار)<<مالي تجربه فيهم.. وزهور الريف عندهم زي كذا بس مااعرف بكم واحلى شي الي باليمون الاخضر<<هذا رووووعه ريحته وكمان يقولون الي بالشاي الاخضر حلو..
وتلقين كمان في غيرها عند محلات المكياج والاكسسورات اشكاااااااااال وانواع بعضهابـ60 يعني حلو سعرها
وممكن تجمعين اذا لك خبره عطر وكريم وبودره وصابونه للجسم وعطر للجسم وتوديها لمحل تغليف يحطها لك بسله ويحط ورد مجفف ويغلفها..
وكمان ممكن تشترين طقم حمام لها ولزوجها(يجي روبين للحمام"مدري وش يسمونها"هي بالطو منشفه<<شوفي الوصف بس هههه+حذيان"وانتو بكرامه"+مناشف كتيييير بعضها للراس وبعضها للوجه وبعضها للجسم وهيييك شي+ ومعها كمان ربطة شعر"للحمام" اممم وناسيه الباقي بس زي كذا للحمام بس)
وممكن تجيبين لهافواحه شفتها في ذي بودي شوب بس روايحهم روووعه والريحه الي تعجبك خذيها ..
او جيبي لها طقم مكياج..واسالي زياده اذا رحتي المحلات عن الهدايا الي عندهم..وبتلقين اشياء ثانيه....
..المهم على حسب علاقتك فيها تكون الهديه..
...يااااااااااااااااااااارب تكون عجبتك افكاري..واي استفسار انا حاضره لعيونك ياعسل..