ياعآلم لا تدققون بشي
احنا في مجتمع عربي .. تفهمون وش معنى مجتمع عربي !!
يعني لا حياة لمن تنادي
غيرنا من كم سنه يحاولون ويطالبون الجامعه أنها تلغي الرسوم لأن الجامعه مو خاصه حكوميه
والرد كان صدى صوتهم .. يعني مافي احد التفت لهم
هذا غير أنو اكثر الطلبه والطالبات مافي بينهم تعاون في هالأمور
يعني أقصد من ناحية الضغط والمطالبه وانو نكون يد وحده وكلمه وحده .. كل واحد نفسي نفسي
بعكس اللي نشوفه ونسمعه ونقراه في الدول الأجنبيه
احيانا أقول ما الومهم لأنهم يعرفون الرد مسبقاً ممكن بكل سهوله يتحططون عليهم ويرسبونهم
هذا غير اذا كان لك واسطه كنت انتساب منتظم تقديرك مقبول جيد بيمشي حالك بدون نقاش دام المصالح ماشيه
انا لقيت ارخص والا أحسن
المعاهد وشوفوا اسعارها كيف نار .. ولازم تدفعها خلال سنه أو سنتين
بس الجامه على فترات
طيب الجامعات الثانيه .. أحد يعطيني أسم جامعه تدفع لها رسوم أقل من هذي الرسوم ؟
يعني قارنوا في الرسوم بين عبدالعزيز وغيرها .. وفكروا من ناحية الدفع عندكم اربع سنوات
بينما بعض الجامعات في الترم لازم تدفع مبلغ وقدره .. لا نروح بعيد جامعة سلطان قال ايش غير ربحية .. احد يقولي مع وين غير ربحية كل ترم ندفع 25الف يعني السنه 50الف وخمس سنوات يعني 250,000 .. هذا عاد غير المصاريف الثانيه
بعد الجامعه المفتوحه .. رسوم التسجيل حسب ما اتذكر من وحده من البنات أول ماسجلت من حوالي سنتين أو ثلاث كانت تقريبا 250 ريال الحين وصلت 700 ريال !! طبعاً هذي رسوم التسجيل غير الرسوم الباقيه وشكلها السنه الجايه بتوصل الف ريال هذا غير المصاريف الثانيه ع المدرسات الخصوصيات .. ولا وزادو مواد عشان تكثر الرسوم عليهم مع انو المواد يقولوا مالها اي داعي بس الطمع حسبي الله عليهم
وغيره وغيره وغيره .. كثير وماتهون المعاهد مو بعيده عنهم ... يعني اذا قارنت بينهم وبين غيرهم أقول يازين عبدالعزيز
ياناس الإختبارات مابقي عليها شي ركزوا فيها وخلوا هالأمور بعد مانعدي هالسنه بخير إن شالله
اخواني وخواتي .. نصيحه لكم لا توجعون راسكم بالأسئله هذي
ولا تحطمون نفسكم وتنزلون من معنوياتكم .. دام في رب بيده كل الأمور .. ورزقكم بيده مو بيد احد ثاني
تفائلوا
اللي رآح يصير لكم هذا اللي كتبه ربي لكم .. واذا كان نفس كلامكم فـ ربي يحبكم ويبي يختبر صبركم