رد: 30%
الله يصبرنا ياااارب
والله العظيم الحال من بعضوا أنا كمان جبت في الأحياء درجه مو حلوه مع إنه الاختبار كان سهل بس كان عندي ضروف وماذاكرت كويس بس الكيمياء جبت فيه 21 مع إني متأكده مليون في الميه انه اجاباتي صح بس اللي مو متأكده منها 3 أو 4 فقرات بس الباقي والله متأكده منها مليون في الميه يعني المفروض أجيب 27 أو 26 ..أصلا كنت بأقرأ السؤال وأحل قبل ماأشوف الإختيارات ويطلع لي الإختيار نفسه .. وكنت اليوم حكلم الدكتوره بس المشكله ماحصلتها وإن شاء الله مابأسكت عن حقي بأروح أكلمها وأطالب بحقي مو معقوله أتعب وفي النهايه يروح تعبي خساره .. والله من جد قهرررر .. ماأدري أحس إحنا بنات الفرع مظلومين مررره البنات اللي في الجامعه درجاتهم أحسن مننا لاتقولو لي عشان هما أشطرمننا لا والله يعني أنا المفروض أكون في الجامعه إنتظام خيروني بين الجامعه والفرع وأخترت الفرع وكمان كل البنات اللي معايه في الكلاس شطار ومجتهدين والله حتى المنهج مررره سهل الصعوبه اللي تواجهنا في المذاكره هيا بس المصطلحات الانجليزيه الجديده وكمان في الوقت الضيق تبع الاختبار ولامضمون المنهج مررره سهل وكلو أصلا اللي درسناه في الثانوي .. ماأقول الا الله يسامحهم..
|