[همي مستقبلي]

السلام عليكم ورحمه الله وبركاته

كيفكم ياشباب / صبايا وكيف الاختبارات معكم إن شاء الله تمام

رجعت لكم بعد قطعه ارجو منكم العذر والسموحه لاني والله انشغلت بالاختبارات واشياء ثانيه

<<<<<<<<< بس يالمهم انت

ندخل في موضوعنا ومانطول عليكم الضيف في الطريق لازم نعدله القهوه والشاي ونرحبه

رغم انه ثقيل علينا بس القوي الله لازم نضيفه وهو مصمم الا يجينا >>>>> نشبه

جاي يشوف اخبارنا باقي على ذكراه ولا نسيناه او بالاحرى تناسيناه جاي يشوف ليه جفيناه

ويبي يلومنا لان حن مقصرين بحقوقه يبي يسال ليه ماتضيفوني زي ربعكم الباقي ليه انا قدري

الجفا منكم ليه ليه >>>>يسال وهو مقهور ليه كل ماجيكم اسمع صوت الفناجيل ولا اشوف قهوه

هل انا قصرت في حقكم او صديت عنكم ولا ماسالت عنكم ولا كلت عشاكم >> اما لو انك ماكل

عشانا كن جا فيها علوم ذي كل شي الا العشا يابو الشباب

هذا رد اغلب الشعب يوم انه يعاتبنا ..........


لا ياخي انت واحد عله ونشبه صح انك مهم مانخلتف بس ثقييل دم لا وبعد>> جاينا يوم خميس


المهم عرفتو اكيد من الضيف الي بيجينا

يالله ياشباب شدو الهمه رحبوبه وضيفوه وعطوه حقه مثل غيره وانتو يابنات الله الله بالقهو والشاي

بس لاحد يحط في القهوه سكر خلاص كفاه الي جاه منا

يله معاليكم اتحملوه بلى يوم ويعدي سوو كل مابوسعكم وتعالو نبا نتعاون عشان تتطلع العزيمه ولا احلى

يعني اذا وحده ماتعرف تسوي شاي كويس مافيه مانع يقوم واحد من الشباب يعلمها عشان ماتجيب

العيد وتفضحنا وانتو يابنات اذا شفتو واحد من الشباب قام يقدم القهوه بيساره الي قبيله منكم تعلمه

يله وكلها كم ساعه وبيستاذن الضيف وإن شاء الله بمجهودنا وتعبنا واجتهادنا ومساعدتنا لبعض

نقولها وبكل ثقه للضيف لا تروح خلك عندنا حتى اذا ودك تبات عندنا ماعندك مشكله

واذا مارضى نقوله خلاص كثر من جياتك صرنا نحبك ونغليك والله لك اهميه كبيره فتكفى لا تقصر معنا





هاه عرفتو منهو ولا اخليه يرقد عندنا نتعرف عليه اكثر


انا تقصدت اجيبها بطريقه فكاهيه شوي وغير عشان نطلع من الروتين الي تعودنا عليه

وعشان احاول ابعد من ذكر اسمه باي طريقه >> باقي شايل في قلبك عليه ماقلنا خلاص

المهم الي ابيه منكم ذلحين ياشباب >>>> مسوي انه منسق العزيمه حقتهم

ابي كل واحد وحده يقولنا كيف بيعد نفسه لستقبال الضيف اش بيسوي كيف

انت كيف بترحب فيه وتضيفه وتباشر عليه وانتي اش بتطبخيله وكبف طريقتك في الطبخ المقادير


اعتقد ان كل واحد فيكم فهم قصدي >>> اجل وش تنتظرون يله وين الردود


...... قاعد يدور لردووووووووووود ايوه انت تعال لا تطلع

اكتب شي ولو لا اله الا الله معليك مابيكمل حبر الكيبورد


تحياتي وخالص امنياتي لكم بالتوفيق والنجاح