[ام حمدان]

دكتورة الريدينق اعطتنا قطعه من عندها وعليها اسئله وطلبت مننا نحلها ونعتبر نفسنا في امتحان ونحلها وبعد كذا هي تورينا اخطائنا
القطعه صراحه كانت سهله وقالت ترى مستحيل يجيبولكم زيها بس اسلوب الاسئله حيكون نفس الشي

الزبده اذا تحبون اكتبلكم القطعه
والاسئله الي عليها وكيف جاوبنا عليها انا ماعندي مانع بس اصبروا علي كم يوم
يعني احس بتسفيدون وبتكون زي تدريب لكم على اسلوب اسئلة الامتحان

بنات حاولوا تدخلوا على مواقع فيها مواضيع كثيره ومتنوعه للبراقرافات عشان تثقفوا انفسكم بالانقلش ويكون عندكم فكره عن اشياء كثيره لانه المواضيع الي حيطلبونها مننا في الرايتنق ممكن تكون حول مواضيع الكتاب وممكن خارجه جدا عن المواضيع الي سبق ودرسناه فأنتوا اعملوا احتياطكم وحاولوا تآخذوا فكره عن اغلب المواضيع العامه الي تتعلق بالمجتمع او الصحه او السياسه اي شي توقعوه منهم لانهم متعمدين يتفلسفون في مواد الانقلش عشان ماتنجح الا الي بتجتهد وتكون خلفيتها في الانقلش كويسه
فأحنا لازم نثبتلهم اننا فعلا نستحق البقاء في القسم بالأجتهاد ثم الاجتهاد ثم الاجتهاد
فأستغلوا وقت فراغكم دايما بتعلم كلمات جديده مو بس الي معانا فالمنهج لا ثقفوا انفسكم وحاولوا قد ماتقدرون يكون عندكم حصيلة كلمات كبيره وانتوا المستفيدين سواء في موادنا الي الان بندرسها او حتى الي بندرسها في المستويات القادمه
موفقين وربي يسهلنا المذاكره والحفظ ويكتبلنا الامتياز في كل موادنا آمين يارب