بالنسبة للطلاب الخريجين لازم تغيرون الحالة الدراسية الى متوقع تخرجه
خلوني اعلمكم بالخطوات :
اول شي قبل ماتتوجه الى الجامعة خذ معك صورة من بطاقة الاحوال وصورة من جواز السفر..
وبعدين توجه للجامعة الى :
1- الشئون التعليمية (مبنى الاعمال) مقابل كلية الاقتصاد والادارة وتوجه الى الكاونترات وقلهم خريج هذا الترم وابغى اغير الحالة ، بيطبعون لك الخطة الدراسية ويشيكونه ويختمونه وبيطبعون لك نموذج التخرج تعبي الجزء الاعلى فقط..
2- توجه الى سكرتارية القسم (ادارة عامة او ادارة اعمال على حسب تخصصك) في مبنى كلية الاقتصاد والادارة الدور الرابع وعطهم الاوراق الي اخذتها من الشئون التعليمية بعدين يصادقون عليها ويختمون...
3- توجه الى مبنى القبول والتسجيل خلف الملعب الكبير الي في الجامعة الدور الثاني واسأل عن مسجل الانتساب لكلية الاقتصاد والادارة وسلمه نموذج التخرج مع صور بطاقة الاحوال والجواز ومايمديك تطلع من عند مكتبه الا وحالتك تغيرت الى متوقع تخرجه
والله بالنسبة لي ماداومت يوم السبت خلصت اموري ورجعت الرياض ،، الله يصلحهم كان خلوها عن طريق الاوديس او تصير داريكت تتغير والصور الي يبونها ياخذونها في اول التسجيل مع الشهادات والاوراق المطلوبة ... بس يالله وش تقول عاد ..
بالتوفيق...