عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 19-05-2008, 02:42 AM   #6

D7oom

جامعي

 
تاريخ التسجيل: Apr 2008
المشاركات: 21
عدد مرات الشكر: 0
تم شُكره 0 مرة في 0 مشاركة
افتراضي

اختي العزيز ساره ..

موٍب بـس آنتي آللي تعآني من هذي المشكله .. كلنا دخلنا التخصص وحنا مانعرف له ..
وخوذي انا مثال دخلت التخصص كهوايه وماعندي اي حصيله معرفيه غير الثانوي والمتوسط والأشياء المنتشره بين لهجات الناس .. بديت بـ 101 واستمريت لين اخذت 211 212 213 215 والحين منزل مادتين 214 و 216
المواد غالباً ليست المشكله .. قبل ما تنزلين اي ماده تأكدي من دكتورة الماده ..
مثلاً كنت خايف من الاستماع والتحدث لأني ما اجيد التحدث بطلاقه وحذفت 211 لخوفي منها .. لكن يوم نزلتها بعد ترم اكتشفت ان الماده سهله لأنك تسمعينها وتكتبينها فقط .. وسبب سهولتها ان دكتور نفس الماده مسهل الاختبار ومسهل الأمور للطلاب ..
ورغم ان مادة 213 سهله كماده لكن كدكتور مصعب المنهج وثلاث ارباع الطلاب يحملون هالماده .. - لان الدكتور شديد ومحد يحب مناهجه ويحذفونها واي ماده لنفس الدكتور يعرفون الطلاب صعوبتها فيحذفونها إلى ان يتغير دكتور الماده -
وحملتها مع غيري
وبعد سنه نجحت فيها مدفوف (60) يعني على آخر شي
بينما الماده اللي خايف منها جبت فيها 100 :)

وتخيلي وانتي (انتظام) يعني تعليمك بيكون احسن من تعليم المنتسب
بمعنى حصيلتك المعرفيه بتكون احسن من حصيلتي وانا منتسب
ولمعلوميتك 214 مادة الاستماع اختبارها بـ 3-6-1429 يعني باقي أقل من 20 يوم والكتاب 200 صفحه وللحين مابعد فتحت ولا صفحه لمعرفتي بأن الدكتور غير متشدد هذا واحد والسبب الثاني مناهج الانتراكشن سهله وماتبي الا وقت تفرغ لمذاكرتها

مابغيت اتوصل له .. انه كلنا ماعندنا حصيله معرفيه أبد باللغه ولو كان عندنا حصيله كان مادخلنا التخصص :)
دخلت التخصص مثلي مثلك .. هو رغبه بالتعلم .. وكلنا لدينا الرغبه والهدف

لاتخافين وماعتقد تحتاجين دورات فقط يبغى لك مراجعة ماتاخذينه بالجامعه أول بأول ..

لأنه هو الحصيله العلميه اللي بعد 4 سنوات بتكونين لميتيها كلها ..

ساره لا يكون صعوبة التخصص عائق لك انك تدخلينه
كلنا واجهنا صعوبات وكلنا كرهنا ايامنا بسبة التخصص لكن الحمد لله نمشي فيه لأن فيه رغبه للشخص تدفعه لمواصلة طموحه

كتبت كلام غير مرتب ومبعثر لكن زبدة الكلام انه كلنا مرينا باللي مريتي فيه .. وانا عن نفسي قد كتبت بمنتدى نفس كلامك اول مادخلت التخصص وجا واحد رد علي نفس ردي لك :)

لذلك يوم شفت كلامك تذكرت نفسي وقلت لازم اكتب

ربي يوفقك ويسهل امرك ويجعل دروب كل طالب اخضر مثل خضار الزرع في عز الربيع :)

دمتم بود

 

D7oom غير متواجد حالياً   رد مع اقتباس