[لوزانا]

السلام عليكم

كيف حالكم إن شاء الله بخير

يابنات يا حبوبات اليوم الصباح راح اخوي

لعند المدير على اساس يقدم شكوى باللي سار لنا

كتبت له عن المشكلة الي سارت وووو

المهم هو قال جالسين يعملو اجتماعات ويناقشو الاوضاع لانه وصلته شكاوى

كثير فوق الـ 200 شكوى

هذى الشئ الظاهر انه بدأ يعطي نتيجة نوعاً ما

صح اني ماتطمنت لانه وعد بيرد بعد اسبوع اسبوعين

بس قال له قوول لها تنتبه وحرص عليها انها ماتدخل في اي مظاهرة

لانه سمع عن مظاهرات بتسير واتفاقات حسيت اننا جماعة ارهابية

لانه ممكن ننفصل نهائي من الجامعة سواء كنا مظلومات او لا

وطلب وحرص كمان اننا يابنات مانروح نعترض ولا عند جهة الاضافة والحذف

عشان ماياخذو الاسامي

ولا اي مكااااااان لانهم مستنينا وهم هذا اللي يتمنوة

فقال نطنش ونروح لمحاضراتنا عادي

طبعاً هذا الشئ اللي فاكرته من الكلام

هو قال لي شئ ثاني بس مو متأكدة ايش بالضبط بس بعدين راح اضيف هذا الشئ

لنفس الموضوع

عشان كذا انتبهو يابنات وخلينا ساكتين

موفقين يارب

وان شاء الله تنحل قريب بإذن الله

دعواتكم