[aymans]

السلام عليكم

الكثير مننا يبغى يكمل دراسته بحكم ان ظروفه (سيئه) ويبغى يطور نفسه عشان يتعلم ويجيب شهادة للترقيه اللي يمكن تجي او للوظيفه اللي يمكن يلاقيها (احتمال 0% يلاقيها)

طبعا اغلبنا ولله الحمد حالته سيئه وبالـ (مضاربة) يجمع حق الترم , لا وفوق كذا حق الاختبارات النهائيه 1000 او 1500 ريال لازم تدفعها عشان تختبر في منطقتك ! (ماتكفيهم الـ4000 ياعالم) واللحين طلعت , لنا اسطوانة المكتبات والكتب والملخصات مكتبة خوارزم ( في جده فقط ) تبيع على كيفها وتسعر على كيفها حتى حق الشحن 150ريال , ليه 150 ؟؟؟؟؟؟ ( كلنا يالمبتدئين كان تفكيرنا انو راح نذاكر من الايميس وراح يصير فيه كل شي وبعدين مو المفروض الجامعه ترسل لنا الكتب عن طريق دي اتش ال عشان التأخير وبحكم اننا من مختلف انحاء المملكه وبحكم انها جامعه تهتم في طلابها !) ولا لازم نتمرمط يعني ! واللحين في الرياض طلعت لنا مكتبة المهندس كتب غير موجوده وتأخير وفوق كل هذا لعب في الاسعار هذا مو رأيي انا بل رأي اغلب الطلاب . والله يبغالنا معونه من الملك الله يحفظه او اعفاء من الرسوم . او عالاقل معونه انسانيه لمساعدة طلاب التعليم عن بعد على اكمال دراستهم الجامعيه . ( مايمنع لو يزورو ويكتبو طلاب التعليم عن بعد في لبنان عشان توصل المعونه بسرعه)

ياجماعه اغلبنا عنده ظروف قاهره اللي متمرمط في حياته وقدامه زواج ومستقبل بالله عليكم اذا رواتبنا يالموظفين المتهالكين ماتكفينا لآخر الشهر متى بنجمع عشان نشوف حياتنا !

اذا في طلاب او طالبات حالتهم الماديه ممتازه لايجي يتفلسف علينا لو سحمتم !