[توت نونو]

السلام عليكم ورحمة الله وبركاته
اولا انا معاكم طالبة انتساب كان كل حلمي اني اخد الباكلوريوس في قسم الانجليزي ولمن اتخصصت طبعا كنت طايرة من الفرحه وماتتوقعو قد ايش حماسي دي السنه اني ادرس وافهم واجيب معدل وانجح لكن حصول هدا الشي اللي ماكان في الحسبان والله العظيم ظلم وربي مايرضى بدا الشي قولولي ليش؟(للبنات اللي مو فاهمين الموضوع) يعني خلصنا السنه التحضيريه وفححححححطنا فيها وجبنا معدلات عشان نحول انتظام وماحولونا حولو بس اللي عندهم واسطــــــــــــــــــــــــــــــــــــــــات انا عن نفسي بعد اللي سار اليوم ماراح اسكت سكتت على موضوع التحويل وقلت خيرة بس مادام همه مو هاممهم مستقبلنا (الجامعه الموقرة) انا راح اقول اللي سار معايا وكل بنت سارلها نفس اللي سارلي تتكلم وتوصل صوتها لكل الناس. اللي سارلي ياجماعة الخير اني كرفت وفححححححطت العام عشان اجيب معدل واحول انتظام وبالفعل جبت اعلى من المعدل المطلوب ولله الحمد والمنه جبت ياحبايبي(3.76)قولو ماشاء الله المهم اختكم في الله جلست تستنى الين قبل شهر ومانزللي اني اتحولت استغربت شلت نفسي ورحت الجامعه ودخلت للي اسمها ابتسام عبيد اتوقع كدة اسمها وقلتلها ليش ماحولتوني طبعا ردت عليه وهي رافعه خشمها انتي كم معدلك؟؟قلتلها معدلي كزا قالتلي :لا احنا ماحولنا غيراللي جايبين 4ومافوق معايا؟ طبعا انا انصدمت وخرجت ابكي لزوجي قللي خلااص خيرة ومايهمك ولاتزعلي ومن دا الكلام وبعدها بيومين سددت الرسوم.نجي للمضمون معليش طولت عليكم كنت في بيت قريبتي وصدفه سالتني حولتي ولالا؟؟
قلتلها اللي سار معايا. عصبت وقالتلي بلا هبل زايد حق الجامعه انا صاحبتي فلسطينيه وحولوها وكان معدلها 2.83 ومعروف انو من انظمة الجامعه اللي بيطبقوها على الضعاف انو الاجنبيه لاتحول للانتظاااااام مهما كان معدلها. انا ساعتها صعقت بالخبر طبعا قالتلي انها حولت بوااااااااااااسطة كمان قلت معليش مو نصيبي اتحول انتظام بس لهنا وكفاااايه كمان بعد مااشترينا كتب بالشي الفلاني وكسبت المكاتب والمطابع من ورانا ودفعنا الفلوس وبدأت الدورة يقولولنا نظام جديد انو تكون درجاتنا في الالكا لازم تكون خمسه وتسعين ومافوق وكمان معدل 4ومافوق ولازم نطبقو الله يعلم احنا كيف بندبر دي الفلوس كمان ندرس اقسام احنا مو حابينها طيب ايش الحل في رايكم بعد ماسمعتو حكايتي ؟؟؟ طبعا مئات البنات والاولاد اللي مظلومين زيي.انا اقول اننا مانسكت ونتفق ونروح للجامعه يشوفولنا حل ياانهم يرجعولنا فلوسنا وطبعا دي مستحيله لانو اللي يدخل جيب الجامعه مايخرج ياانهم يخلونا كلنا زي مااحنا ويطبقوا دا النظام الظالم والمحتال على اللي يجو الدفعه الجايه من بدري مو بعد ماتبدأ الدورة احنا بشر مو على كيفهم .في النهايه اتمني اشووف ردودكم هنا وكل اللي عندو او اعندها اعتراض تدخل هنا وتسجل ولازم صوتنا يوصل.والله يوفقني ويوفقكم ويكتبلنا الخير
تعبت