رد: العقبات التي واجهتكم منذ اول يوم دراسي
اهلين يا بنوتات ..
اول شي الصراحة الموضوع حلو والمشاكل ما تخلص وكل وحدة فينا تبغى تطلع اللي في قلبها
انا عن نفسي كلو اللي قولتو مقهورة منو .. وفي اشياء تانية اول شي ليش الباب يفتح 10 ان شاء الله مو سرنا زي الجامعة المفروض يخلو مفتوح على طول ولا بس يعرفو يتفلسلو في الجداول وفي الدرجات وفي النظام انتو زي الجامعة وفي الاشياء اللي نبغاها ما يطبقوها زي الجامعة.. غير كدا سمعت انو بعد 9 محد يدخل الكلية خيييييير ان شاء الله جاية على مدرسة انا وانا ما ادري بس مني عارفا ازا دا الكلام صح ولالا
اما في حكاية البرد اللي في القاعات والشمس بين المباني هادي موجودة في الكلية والجامعة يعني مصيير لابد منه مح نفتك منو فيحنا نحاول نأقلم نفسنا مع الوضع<< يا شيخة بدات تتفلسف LooooL
واتمنى انو ما نكون متشائمين على طول زي ما قولنا المشاكل و العقبات لازم نقول الايجابيات والاشياء اللي ريحتنا ونحمد الله عز وجل على النعمة اللي يحنا فيها لانو كنا في حال سيء اللي في مبنى البغداية واللي في مبنى الشرفية ونقلنا لشي افضل فلازم نحمدالله على دي النعمة ومافي شي كامل الا في نقص وقصور بزات في السعودية يومنا بسنة
وسامحوني على الاطاالة..وشكرااا
JoOoJoOo sAm
|