[بسمة ألـم]

بسم الله الرحمن الرحيم

يسعد مسااائكم يا احلى جامعيات

كيف حالكم وكيف اليوم الارشادي معاكم

ومبرووك اللي فازو باللابتوبااات >>>>> ماجات غير عشان اللابتوب

خخخخخخخخخ

الموهيم


اليوم جات في بالي فوكيره خطيييييييييره قولت بكتبها عالطول في المنتدى

عشان كلنا نستفيد من بعض

اش رايكم نبدأ من بكره نزاكر بجد واجتهاد

لاني عارفه انو اللى الان محد زاكر لانو اصلا كلنا تايهين ومحنا عرافين اش نزاكر وكيف نزاكر

ومحنا عارفين كيف ننظم وقتنا

فعشان كدا كل وحدة تدخل موضوعي وتعجبها الفكره تقولنا اش حتزاكر بكره وازا واجهتها صعوبه في المادة اللي جالسه تزاكره عالطول تدخل الموضوع وتكتب المشكله وان شالله نقدر نساعد بعض
لان مالنا غير بعض
اش رايكم كمان نحط جدول خاص فينا نزكر فيلو نفس المواد اقصد يعني كلنا نمسك نفس المادة ونفس الشابتر ونتناقش في التست بانك
وكل يوم نختار مادة وشاتر ونزاكرها بجد واجتهاد

ونشجع بعض لان دي السنه مرره مهمة

امممم

وبس هادا اللي عندي واللي عندها اي اقتراح تكتبه هنا


في انتظاااااااااااااااركم