[reemo2009]

المشاركة الأصلية كتبت بواسطة بـ س ـام السلام عليكم .. : من حفر حفرة لأخيهـ وقع فيها <-- سمعت بالمثل هذا وماعرفت فين أستخدمه فقلت اكتبه اليوم : ماتحسوا انه فعلا حان الوقت لنفكر بجديه بالإنتحار .. أيام الثانوي كنت من أكثر الطلاب اللي بقول أنها صعبه وأني كنت متعقد من الرياضيات وكذا .. لكن من يوم ما أشتريت كتاب الرياضيات اللي فيه حوالي 1300 صفحه تبت توبة نصوحه لرب العالمين .. لأني ظلمت مواد الثانويه وحكمت عليها بالصعوبه : الزبده دحين أنا ماني عارف فين أروح ولا أيش اسوي بحياتي احتمال بكره اروح للأمن والسلامه بالجامعه وأسألهم اذا عندهم وظايف .. بس بصراحه بيني وبينكم أكثر شي عجبني هو المطعم .. وأحسه اسهل شي بالجامعه .. المهم نرجع لموضوعنا وهو مالا عبرت عنه بالعنوان لأسباب شخصيهـ هع كنت أبغا أسأل مجموعة أسئلة واستفسارات وأشياء إلخ .. : بالنسبة للكتب أنا أشوف ان من غير الضروري أن الواحد يشتريها قولو ليش ؟ أنا أقولكم ليش لأني اليوم أشوف دكتور يشرح ومعاه نسخه من الكتاب وبعدين أتوقع أنه بيتحدد فصول من الكتاب نذاكرها والباقي ماهي لنا حسب علمي لأنه مستحيل ندرس الـ 1350 صفحهـ .. كتاب الماث ماراح تحتاجوه ولو حبيت تذاكر من الكتاب انسخ الفصول الي عندكم وراح يقولكم الاستاذ شنو الفصول الي عليكم لان طبعا مو كله ولاحتى نصه وراح يكون الرياضيات سهل اذا انتبهت وفهمت اول بأول ماياخذ جهد ابدا وتقدر تذاكر الشابتر الواحد بساعتين اذاكنت فاهم مع الاستاذ وهم قبل الاختبارات راح ينزلو لكم ملزمة حق البرفسور حمزة ابو جبل الي هو يحط لكم اسئلة اختبار الرياضيات وطبعا موحدة الاسئلة والاسئلة الي في الملزمة خيارات واسلوب الاختبار زيها تماما وبعض الاسئلة نفسها تماما تجي في الاختبار وبعدين ايش قصة البنوك هذه حق الأسئلة ؟ يعني حسب الدكتور متى ماقالنا نذاكر منها ولا هو كذا النظام نذاكر من البنوك على طول من نفسنا ؟ والله استني شوف الدكتور ويش يقولكم عن البنوك وويش معاكم ومن وين تاخذوها لان ممكن تكون مو نفس بنوكنا.. والبنوك طبعا عبارة عن اسئلة تبع كل شابتر في الاحياء اختيارات ومحلولة بس الاسئلة مرة كثيرة يعني لازم تذاكرها اول بأول عشان يدوب تلحق تذاكر وتترجم عشان تستفيد في البداية بتحتاج تترجم كثير بعدين بتتعود واذا صميت البنك ضمنت الفل مارك بس يبغى لك جهد ووقت حق الاحياء بس هم لاتشيل هم مقدور عليه:) وثاني شي الأختبارات النهائية مين اللي يضعها ؟ هل كل الطلاب اختبارهم موحد ولا كل دكتور يسوي اختبار لطلابه ؟؟؟ الاختبارات النهائية يكونو موحدة لجميع الطلاب وساعات ممكن يجي موحد مع البنات بس مو دائما..بس الاختبار راح يكون موحد للطلاب سواء دور اول لو ثاني او نهائي وطالما نحن بنكتب مع الدكتور في الدفتر ليش نحتاج للكتاب )-- سؤال وجيه اي اكتب كل شي خصوصا الماث والفيزيكس عشان تذاكر منهم والكتاب حق الماث ماراح تحتاجه اذا قلكم الاستاذ ان الي تكتبوه في الدفتر شامل للكتاب:) بس كتاب الفيزيكس انا كنت اذاكر منه صراحة لان الدكتورة حقتنا النوت حقها ماكنت احبها فذاكرت من الكتاب واهم شي تحضر حل مسائل الفيزياء لان يجي منها في الاختبار..لان اختبار الفيزياء راح يكون اغلبه مسائل ومو صعب متوسط وينحل وتقدر تجيب درجات عالية فيه : شباب بالله كيف نعمل احس ان هذه السنة جدا جدا جدا حتكون صعبه انا معك وبقوة انها صعبة لاكن هذا الشي راح يكون خلال اول شهر بس لين ماتتعود بعدين بتحسها والله عادي وخلاص بتمشي حياتك طبيعي..اذا كنت تحاول وتذاكر اول بأول بعدين بتتعود على طريقة المذاكرة بالانجلش وبتصير حتى ماتحتاج تذاكر اول بأول>>>>>بس عاد مو تراكم كل شيء مع أني استغرب ان بعض الطلاب متخرجين بنسب عاليه لاتقولو شد حيلك وذاكر يعني هل معقوله بذاكر 24 ساعه ؟ أو 20 ساعه اذاكر و4 ساعات أنام !! ماني عارف ايش اعمل لالا مو 20 ساعة انا اتذكر اول مابديت اذاكر زين وتقبلت وضعي ان هذي السنة مصيرية ورابع ثنوي وبتحدد مستقبلي والله صرت اذاكر واقعد احيانا على محاضرة لمادة وحدة خمس ساعات>>>>عشاني كنت اترجم كل شيء من زود الهبالة والخوف وبالنسبة لكتاب مهارات الإتصال كلللله علينا ؟؟ تقريبا كله بس في شابتر محذوف او مدري وش المقرر الي عليكم السنة ممكن يختلف عننا..بس تراه سهل والله تقراه تجيب درجات عالية واذا تحفظ فل مارك وانت مغمض مصيبه هذه ماني مصدق أو ماني مستوعب ترى الدراسه الجامعيهـ .. : هذا مالدي ولي عودة ان شاء الله بعد شويهـ .. : واللي بينضم للحمله يرفع اصباعه ..

اناااااااااااااا>>>>>>>>لو كنت حطيت الموضوع السنة الي فاتت خلال اول شهر راح ارفعه وبقوة خخخخ

لاتشيل هم كلها سنة وتعدي خلي عزيمتك قوية ولا تتحبط ترى كلنا كنا في وضعكم وبعد كل الطلاب الي معك الان او اغلبهم عندهم نفس الشعور والعبرة بعدين لمن يصبر ويواصل ويتحمل
الله يوفقك ويوفقنا جميعا يارب