[كبااكاا]

أخوي سعيد -ولايهون الجمبع- أولا لابد نحق الحق ونقول ليس كل الموظفين بهذا التعالي واللامبالاه , ولي تجارب ومواقف كثيره تشهد بالمستوى المهني والأخلاقي اللي عليه أغلب منسوبي الجامعه , إلا ان لي بعض المواقف مع بعض الموظفين اللي لولا رحمة الله بي كان صار مالا يحمد عقباه نتيجه للتعالي وعدم التعاون وبذاءة الأخلاق .. لكن لااااابد نعترف أننا نحن من أهم الأسباب لتفشي هذه الظاهره بين بعض الموظفين بل وتماديهم أكثر وأكثر... بتقولي كيف؟؟؟!!

أول شي خلني أقولك راح أتكلم بوجه عام عن هذه الشرذمه من الموظفين أو الموظفات في كل الدوائر وليس الجامعه فقط.. اذا كان كل طالب أو مراجع لدائره حكومية عموما واجه مثل هذه المواقف وقام يآكل بنفسه ويتنهت ويعض شفاته من القهر ثم يضرب الباب ولا كأن شي حصل , فأبشرك بتلقى هذي العينه من الموظفين والموظفات في إزدياد طردي , وحتى اللي مهوب مثلهم ف أخلاقهم بيصير مثلهم , لأن تفاحه فاسده كفيله بإفساد الصندوق كله , الا من رحم ربي....
ياأخي لي متى نظل مكممه أفواهنا ومقيده أيدينا عن طرق باب المسؤول لأخذ حقوقنا منه ومن موظفينه , وإذا المسؤول "كبيرهم الذي علمهم السحر" ياخي فيه أكبر منه , وعلى قول المثل (مافيه يد إلا يد الله فوقها) , ياخي لازم نزرع ثقافة الجرأه والشجاعه لأخذ الحقوق , أنت مواطن ولك حقوق أقرتها لك الدوله ووظفت هذا الموظف وغيره لهذي الغايه , يعني خدمته لك سبب بعد الله لراتبه الشهري اللي يتقاضاه ,,,, ولايجيني أحد يقول وشلون بتدخل ع المسؤول ؟؟ او حنا مو فاضين للفرفره والمشاكل ليتنا نقضي أشغالنا !! يااااأخوان حنا حبانا الله سبحانه بنعمه عظيمه قل من لايحمد الله عليها وهي "التواصل الإلكتروني" مع المسؤولين بل وأكثر مع الحكومه اذا استدعت الضروره , والله الذي لا إله الا هو لو كل من واجه مثل هذي المواقف مع الموظفين او الموظفات وأرسل فيما لا يقل عن ثلاث ايميلات يوميا للمسؤولين- بالتدرج- موضحاً اسم الموظف ومكانه الذي يعمل فيه , وتفاصيل تجاوزاته سواء الأخلاقيه أو النظامية , بتلقى فيما لا يقل عن عشر شكاوي في اسبوع , لأن هذا الموظف راح يعاملك انت وغيرك بنفس الأسلوب , ولأن من أمن العقوبه أساء الأدب....... ولا راح اقول "العيار اللي مايصيب يدوش" لأني وااااثق بإذن الله إنه راح يصيب , ولي تجارب عده في كذا دائره حكوميه , فالعيار اللي مايصيب اليوم يصيب بكره , واذا ماصاب منك يصيب من غيرك..



بس لااااا تسكتوووووون .. وكثر الطق >>>>> يفك اللحام

ولكن فيه شي مهم وضروري ينبغي التنبه له وهو مراعاة الله فيما تكتب , فالظلم ظلمات يوم القيامه


وتقبل تحيااتي