ياخي
انا ادرس برمجة 1
ابغى معلومات كاملة عن المادة هذي << الله لايهينك
ويا ريت توضح لنا في كتاب مخصص مطلوب للمادة والا الدكتور يعطي الطلاب ملازم للمادة
تحياتي لك
|
ياهلا وغلا اخوي .. اسعدتني مشاركتك ..
اولاً يا طويل العمر .. بمنهج cpcs 202 راح تتعلم كيف تحل المشكلة ..
قبل ما تتعلم كيف تبدا تبرمج ..
اعطيك على سبيل المثال .. مديرك طلب منك برنامج يحول من الدولار الى الريال .. او العكس < طبعاً سهل البرنامج .. عشان كذا قلت لك يبون يعلمونك كيف تبدا تفكر ..
اولا بأي برنامج لازم فيه مدخلات ومخرجات ( input & output )
هذي قاعدة اساسية حطها براسك ..
طيب الان الشخص اللي بيستخدم برنامج .. ايش رايك يكون الانبوت .. اللي راح يدخله ..
المبلغ بالدولار مثلا .... طيب الاوت بوت .. المبلغ بالريال ..
وطبعاً لازم يكون بين الانبوت والاوت بوت .. عملية ( بروسسنق ) .. اي معالجة ..
يعني قاعدة او قانون عشان تقدر تحول من الدولار الى الريال ..
وهكذا .. اغلب البرامج كذا .. بالشباتر الاولى .. وبعدين راح تدخلون في الاراي واللوب .. وغيرها ..
واغلب الطلاب يذاكرون من السلايدات .. لان الشرح كله بيكون عن طريق سلايدات ..
يعني لو تذاكر من السلايدات وتفهمها مضبوط .. وبعدين تبدا تجتهد بالبرامج ..
راح اضمن لك الدرجة الكاملة باذن الله ..
تحياتي