[::اللؤلؤة ::]

ـالسلام عليكم ...

كيفكم بنوتات ؟

اممممم بالنسبة لبنات المستوى الثالث , يعني الفرقة الثانية , كانو حاطين امس ورقة مكتوب فيها اسماء الغرف اللي تروحو

تغيرو فيها وتكتبو كل شي , لأنكم ينطبق عليكم نظام الجامعة , بس لأنهم ماهم فاهمين شي قالو نغير ونخليه يدوي .,

في طالبات الفرقة الثالثة المستوى الخامس , اللي مثلي , بكرا ان شاء الله بنروح ناخد الجدول معلق وعلى حسب الشعب ,

لأنو الجدول قالو بينزل اليوم نفسو بس الساعد 2 ظهراً , وطبعاً اكيد محد حيستناهم !!!

فقلنا نروح اليوم ناخد الجدول ,

بالنسبة للبنات اللي كان عندهم مواد ولا درسوا الترجمة , لازم يعادلون لكم المادة , لأن اللي درسناها في سنة اولى كانت

(2) ساعتين , والمسجلة في الجدول (3) ساعات يعني لازم يكون 3 ساعات فما ينفع تدرسي ساعة فقط , فقالوا نعادلك

اياها , بكرة ان شاء الله حيكون في اجتماع لكل الطالبات , عشان نفهم الموضوع , ونقدر نبدأ دراسة , مع انو رئيسة القسم

أكدت إنو فور نزول الجداول , ستبدأ المحاضرات في القاعات !!!!!!!! >>> مستعجلة !

أنا مشرفتي قالت لي تعالي يوم السبت مع الدوام , ويوم ما يبدأ الدوام نعادلك ونسوي كل شي !

ومدري عاد متى حيعادلولي او يسووو اي شي !!

عموماً ... أنا بكرة رايحة آخذ جدولي , ونشوف ايش نهاية الموضوع ..

على فكرة .. في مواد لها متطلبات , ولازم تكوني ناجحة فيها , ووحدة صحبتي , قالت انها سألتهم ايش مواد اللي متطلبة

قالولها : " لازم تكوني ناجحة في القراءة , والكتابة , والاستماع والتحدث " اذا ما نجحتي , ماراح تنزلك المواد اللي تابعة لها !!!!!!!!!!!!!!! >>> الله يعيييييين ويساعد !


يلا .., وسنتابع اليوميات ...

وسنلتقي بإذن الله !