في البداية احب اشكرك على هذا الموضوع القيم والمفيد....
راح ابدأ بسرد مسيرتي التعليميه ل 3 أترام مضت ..
المستوى الأول:
الثقافه الاسلامية 101 :
أ/
ساره روزي..
سبق الحديث عنها من قبل العضوات وجزاها ربي اعلى الجنان ونفع بعلمها ورزقها من حيث لا تحتسب ..قمة بكل ما تحمله الكلمة من معنى..
العربي 101:
أ/
فوزية العتيبي ..
برضوه يعجز اللسان عن شكرها أخلاق وشرح اكثر من رائع تخرجي من المحاضرة وانتي فاهمة كل شيء وتساعد البنات ومتفهمة لابعد درجه انصح الجميع بالاخذ معاها ..
حاسب آلي :
أ/
سناء روزي
الاستاذه تمام ما بها شيء صح ما كنت افهم كل شيء و اوقات تجيب اساله في الاختبار مو من الكتاب وتقول انها قالتها بالمحاضرة بس الله يسعدها ساعدتنا كثير ووقفت معانا وجبت الحمد لله درجه رائعه معاها ...
الكا 101 :
أ/
عبير الثقفي في قسم listening & speaking + Writing
أروع الاستاذات اعطتني هذي المادة واتمنى لو ارجع اخذ معاها <<ياليتها تدرس تخصص الانجليزي والله حالنا كان احسن ببلايين المرات ..
ماشاء الله عليها كل كلام العالم ما يوصفها ذوق واخلاق والتزام بالدين وتدخل لنا مواعظ في كلاساتها يعني جامعه بين الدين والدنيا تتمنى تشوف طالباتها في احسن المراتب متفانيه وامينه وحبوبه ومساعده لطالباتها لابعد درجه ..
الكلامات تعجز عن شكره وما يبقى الا الدعاء لها ...
Grammer+ Reading مع استاذه /
مازلين << هي ماليزيه
قمة وذوق واحترام واخلاق تحاول تبذل جهدها في انها تساعدنا وتوصل المعلومة لنا ..
مهارات اتصال
أ/
آمال فلمبان
الصراحه والله يغفر لي على الشيء اللي باقوله ما انصح احد ياخذ الماده معاها ...
صح طيوبه و اخلاق بس ما استوعبت واستفدت من الماده هذيك الاستفادة والصراحه صعبتها علينا كانت تحضر متاخر او حتى لو جات بدري و تخلص تشبتر كامل في محاضرو وحده تكتب الدرس على اللوحه واحنا نكتب معاها تتكلم رؤؤس اقلام وتحكي حكايات وخلص الدرس مع تكليف لما نجي نعمل التكليف نتنح لاننا مو فاهمين
بس الحمد لله عدينا الماده بدرجة امتياز ربي انقذنا الحمد لله ...
المستوى الثاني ..
الثقافه الاسلامية 201
درستها مع استاذتين اذكر ان الاولى أ/
تهاني رجب والثانيه اعتقد أ/
صفاء والله ما اذكر اسمائهم لكن عموما مواد الثقافه ما منها خوف ...وكلهم كانوا رائعات
العربي 201
أ/
تيسير الشريف
برضوه غنيه عن التعريف ...قمة في الروعه والاخلاق و الطيبه
حبوبه الله يسعدها ..
مهارات التفكير :
أ/
عزة الجوهري
الاستاذه كنت استمتع بكلاسها مره كانت تبعث فيا الشعور بالراحه بمجرد ؤيتها حبوبه واخلاق وتحب تشرح من قلب المشكله مو في الاستاذه بالعكس بالنسبه ليا الاستاذه قمة ورووووووووووعه بس المنهج هوا اللي كان عجيب وغريب بالذات اننا كنا اول دفعه تاخذه فكنا فيران تجار حتى الاستاذات لما كانوا يشرحوا يعترضوا على بعض كلام فيه بس اتوقع الوضع الحين افضل ..
بس الماده تعبتني في الحفظ
الاحصاء في العلوم الانسانية :
أ/
أحلام
ماشاء الله تبارك الرحمن احب الكلاس حقها واستمتعت فيه جدا ..طيوبه وحبوبه واخلاق ..
تشرح لك من قلب الله يسعدها و تدخلي الاختبار والمنهج عارفاه من دون ما تتعبي في المذاكره
كلاس رائع جدااااااااااااا....والاستاذه اروع ........
الالكا 201 ...
طبعا 4 استاذات اعطوه ليا لانه على سنتنا غيروا نظام الاستاذات ..
writing : مع أ/
أماني ابو الليل
طيوبه واخلاق وتحاول تفهمك ومتعاونه الله يوفقها ....
listening & speaking :أ/
فاطمة البلوي
برضوه الكلاس معاها خفيف وحلو صح تتاخر علينا اوقات و تتكلم بالعربي و تعطينا اهم اشياء في الدرس والباقي تطنشه بس ماشاء الله عليها اخلاق وطيوبه مرررره ..يعني اللي يبغى استاذه تتكلم بالعربي وما تخليه يتكلم كثير في الكلاس يروح عندها << مع انه مو هذا الهدف من المنهج بس مشي حالك..
Reading: أ/
شمس بخاري
الله يسعدها ويحفظها رووووووووووووووووووووووعه وعسل واخلاق
حبوبه وعطاءه و تضحك معاك ومرحه لابعد درجه
Grammer : أ/
حنان فرح
ماشاء الله عليها ملتزمة بالوقت و تشرح من قلب وتوصل لك المعلومة باسلوب تمام
..<< تقريبا كل استاذات الانقلش روووعه << اللي من مركز اللغه ....
نجي للتخصص
المستوى الثالث ...
الثقافه الاسلامية 301
أ/
ابتسام كمال
ماشاء الله ذوق واخلاق واحترام ..اول محاضرة تحسسك انها شديده لكنها في الواقع طيوبه وعسل وتتطبق الدروس من امثله في حياتنا ..
اتمنى اخذ معاها مره ثانيه ....
Writing 1
مس/
سحر نصيف
عسوله ودمها خفيف وكلاسها مرح وممتع .. تحب تشوف الطالبه مهتمة وتبذل جهدها في المادة
وتطور من نفسها ... شرحها تمام والماده كويسه اذا عندك خلفيه في الكتابه و كميه كبيرة من الفوكابلري ..دقيقه في التصحيح جدا بس هذا حال قسمنا العزيز...
Reading 1
Miss:
ايمان بوترعه
تمام الاستاذه هي تونسيه ..تحاول تعطينا وتفهمنا قد ما تقدر ودقيقه جدا في التصحيح << اذكر في هذي الماده اغلب درجاتي طارت على اشياء تافهه مع العجله في الاختبار ما كنت انتبه لها ..بس الحمد لله عدينا على خير ...
بس اللي مفرحني انهم غيروا المنهج اللي درسته لان المشكله تتركز اكثر شيء في المنهج حتى الاستاذه كانت تشتكي منه ومعترضه عليه .. وان شاء الله المنهج الجديد يكون افضل ...
Listening& Speaking 1 {{ Oral 1
Miss:
سهام فطاني
الاستاذه مرحه ودمها خفيف وتتكلم ماشاء الله كثير في الكلاس بالذات عن السياسه والاخبار وانا الصراحه من اللي يكرهوا الاخبار
اسئلتها من الكتاب نسخ ولصق بس مو كل شيء اوقات تجيب فقرات من برا الكتاب وانتي تكتبيها باسلوبك << هذا الكلام لما كان الكتاب Mosaic بس الحين هذا الترم الكتاب اتغير فلا تاخذوا بكلامي الحين ..وطبعا طلبت مننا بريزنتيشن كان عن
Global Warming <الاحتباس الحراري << الموضوع حلو ومفيد لنا في حياتنا بس مصطلحاته كانت اشوي صعبه لان اغلبها اشياء علميه بس عادي لو حضرتي للموضوع مزبوط من اول الترم ان شاء الله ما احد يتعب فيه << بس يمكن هذا الترم تغير رايها وتعطي موضوع جديد << الله اعلم..
فرنسي 1
أ/
صالحة القحطاني
قد ما اقول عنها ما اوفيها حقها ..
متفهمة واخلاق وتحترم الوقت والطالبه والمادة ..
طيوبه وعسوله بس ما تحب احد ينرفزها او يزعلها ..
والشرح ولا اروع ماشاء الله اتمنى اخذ معاها هذا الترم << الله واعلم مع مين باوقع
والاسئلة رائعه بس مادة الفرنسي تحتاج لحفظ جدا كثير للافعال وغيره ويحاسبونا على السبيلنج وكل شيء بس الحمد لله عديتها بسلام ودرجه تمام ..
المستوى الرابع ..
اللي انا الحين فيه بإذن الله ..
موادي كالتالي :
Writing 2
مع مس
حنان جبر << دخلت لنا اليوم اول كلاس كتعريف وشكلها حبوبه واخلاق << كفايه انها من مركز اللغه كل اللي هناك ماشاء الله قمة ...
Reading 2
مع مس
أبرار مجدي لسه ما اعرفها ولا شفتها ...
Listening &Speaking 2
مع مس /
سحر نصيف
<< سبق واتكلمت عنها بس هذا كان في الرايتنج والله يستر كيف في هذي الماده ..
FRANC 2
الى الان ما اعرف مين بتعطيني و اليوم اتاخرت على المحاضرة فما اعرف اخذوا ولا لا
ثقافه اسلامية 401
أ/
نهاد شرقاوي
على ما اسمعت وشفتها اليوم شكلها تمام واخلاق ...
هذا اللي قدرت اكتبه وان شاء الله اكون افدتكم ...
موفقين بإذن الله ...
