[][صمت البوح][]

السلام عليكم

حصلت عندي بعض التغييرات اليوم
انا رتبت جدولي واعتمدته واضفت كل المواد
وكان تمام ونظمته يوم الخميس

ودخلت الجمعه لقيت الجدول بعد مثل ما هو تمام
والصباح اليوم دخلت "صباح السبت"
راجعته عشان لو ابي اغير اروح لهم
لكن ما لقيت فيه اي تغيير حلو ومرتب

وجيت الحين فتحت بطبع الجدول
الا اتفاجأ فيهم
1-حاذفين لي مادة البرمجة "cpcs202"
بأي حق يعدلون ويحذفون لي مادة انا ضفتها؟؟
اقلها يضيفوني بشعبه ثانيه..

2- مادة اساليب الكتابة العلمية "cpit221"
غيروا لي شعبتها كنت cc وحطوني ce

3- مادة مقدمة الحوسبة "cpit201"
بعد غيروا شعبتها لي كنت شعبة ca وحطوني ce

ليه يغيرون لي بالجدول؟!!!..بأي حق يغيرون دون يبلغوني؟؟الدنيا فوضه؟؟
بالله وش بقوا لي من جدولي اللي انا رتبته؟؟..مادتين بس؟؟
على كذا ليه فاتحين لنا نظام تعديل الجدوال من الاوديس دام بالنهاية هم بيغيرون على كيفهم؟؟

واذا كان التغيير بالجدول لانهم غيروا الشعب .. يغيرون ماده مو ثلاث مواد!!
واقل شئ يسوونه يعطونا خبر على الايميل ولا على الجوال
عشان الواحد يصير عنده خبر ويلحق يعدل هاليومين
يمكن انا كنت اشيك كل صبح ومساء
في غيري يمكن يعتمد ويتركه ويوم يروح يلقى اسمه مو بالشعبه
بالله مو حرام؟؟ مين بيكون المسؤول هنا؟؟


وش الحل؟؟ لمتى هالحوسه واللخبطه؟؟
في احد حصلت معه هالتغييرات مثلي؟؟

واهم شئ الحين
اخواني وخواتي
اللي اعتمد جدوله منكم يدخل ويشيك عليه
لين يتقفل الحذف والاضافه من الكلية..
عشان لو تحصل لحد منكم مثل هالحركه يلحق يتصرف
ويعدل جدوله من الكلية ..