[M!ss Mojy]

الحمدلله كانت مررررررره حلوه

بس في بنات كثييير من الدورة ماجوا يعني العدد كان قليل نوعا ما

بقولكم الي افتكروا واذا نسيت شي البنات الي حضروا ان شاء الله مابيقصروا

بدأت المحاضرة الساعه 5 العصر

اول شي بدآوا يتكلموا عن العلم بشكل عام واهميته في نهضة المجتمع

وانو احنا لازم نساعد في هذا الشي الي هو النهضة

وبعدين اتكلموا عن علماء مسلمين كان لهم اثر كبيير في نهضة العالم الاسلامي

وانو اغلب العلوم الي الآن موجودة زي الرياضيات والجبر والكيمياء .... الخ

اغلب الي وضعوا الاسس لها هم علماء مسلمين

وكمان الآن اغلب الباحثيين والعلماء الموجودين في الغرب اصولهم عربية

وكلام كثيــــــــر .........

وبعدين شغلوا فيديو مرررررره رائع وموثر

عرضوا لنا فيهم اسماء ناس حققوا وانجزوا الكثير لعالمهم سواء في الماضي

او في الحاضر زي مهند ابوديه وحياه سندي و احمد الشقيري وغيرهم

وفي اخر الفيديو كتبوا كلام مره مؤثر

كتبوا انو هؤلاء قدموا الكثيــــــر لعالمهم ولكن انتي ماذا ستقدمين ...!!

<< مره تآثرت بهذا الفيديو


بعدها كان استراحة صلاة

بعدين محاضرة انت كطالبة علم ( الي قدم هذي المحاضرة دكاترة كبار في كليه الطب الدكتورة سوسن جلله والدكتورة حنان قاضي )

كان كلامهم حلو ومبسط

ووضحوا لنا الفرق بين التعلم والتعليم ... والطالب والتلميذ

انو التعلم الطالب يآخذ المعلومات سواء هو يبحث عنها بنفسه او يتلقاها من غيره

بعكس التعليم الي يكون دور التلميذ هنا فقط تلقي المعلومة << زي الي حاصل في مدارسنا

بعدها كانت محاضرة ترويض الوقت

كانت محاضرة مرره رائعة وتكلمت فيها شيماء عن الوقت وادارة الوقت بتوووسع

بعدين استراحة اكل

بعدين آخر محاضرة لروان حافظ جلست تقولنا عن تجاربها في الطب

وقالت انو لازم يكون وقتكم منظم

ولازم تاخذوا كفايتكم من النوم عشان لاتناموا في المحاضرات

ولازم تحضروا كل المحاضرات لاتفوتوا ولا محاضرة حتى لو كانت مملة نوعا ما لكن اكيد راح تخرجوا منها بفايده

وانك تكوني طالبة لا تلميذة ... يعني لا تكتفي فقط بالمعلومات الي يعطوك هيا لازم توسعي مداركك اكثر

وانو في الطب في معلومات بيسك لازم تكوني عارفتها وتراجعيها كل فترة حتى بعد التخرج

واخيـــــرا انو لاتقارني نفسك بغيرك لانو كل وحدة وقدراتها

<< كانت معكم مراسلتكم موجي من قلب الحدث .....