منتديات سكاو - عرض مشاركة واحدة - افضل ااساتذه القانونـــ التجاريــ و..

توقيع زعلوه

فز الخفوق
فزَّ الخفوق وقلت ياالله عسى خير
أثر الَّليالي عاد غايـب قمرهـا
مع شوفته نشوه وفـزَّه وتخديـر
وعيون خـلاَّنٍ تعانـق نظرهـا
يفزَّ له قلبي كمـا فـزِّة الطَّيـر
والرِّجل كن الَّلي تحتها غدرهـا
ياصبح عمري ياصباح التِّباشيـر
نوره ملا قلبي وروحي غمرهـا
عقب الفراق الَّلي تعدَّى المحاذيـر
يبَّس غصون القلب جافي دهرها
ربَّع بروحي عقب ماهي معاسير
سحابة هلَّـت بقلبـي مطرهـا
وأسقى بها زرعة هوانـا بتقديـر
غرسـة غـرامٍ بالمحبَّـه بذرهـا
ياعاذليـن العيـن والله مخاسيـر
والَّلي درى عن حال عيني عذرها
تشوم عيني عن جميـع الغناديـر
وإن ناظرت عيني فؤادي نهرهـا
ياناس أحبَّـه والمحبَّـه مقاديـر
هذا هوى نفسي وهـذا قدرهـا
والحب ماله ياهل الحب تفسيـر
قلبيـن والله بالمحبَّـه أمـرهـا
لى جيت أصوَّر حالة الحب تصوير
وأرد عن حالي لخلِّـي خبرهـا
لقيت وجدي فوق كل التعابيـر
كل الشِّعر قطره وشوقي بحرهـا