[فروته]

المشاركة الأصلية كتبت بواسطة mag2020 السلام عليكم ... عليكم السلام اول يوم طبعا اختبار انجليزي للاسف الشديد يب 1- وين مقر الأختبار البنات موضح بموضوع مثبت هنا بملتقى المنتظمين وبالنسبة للشباب بنفس الموضوع كاتبين رقم المبنى بس للاسف ناسية مرة رقمه اذا ماني ملخبطة انه هو نفس المبنى اللي قدموا فيه البنات ايام تسليم الملفات 2- المحاضرات كيف واحنا عندنا اختبار؟ اول يوم مافي ولا محاضرة اصلا حتى لو رحت ما راح تلقى اي دكتور جاي بس روح اختبر و لفلف تفرج على المباني و دور قاعاتك فين عشان تعرف مكانها 3- كم مدة الأختبار ؟ وبعد ما نخلص نروح البيت؟ ساعتين مدة الاختبار و براحتك تبي تروح البيت تبي تقعد لانه ما يكون فيه شي خلاص 4-وش فايده الأختبار الجدول نزل ونزل رقم المبني ورقم القاعه يعني كل شئ جاهز الأختبار ليش؟ هو اكتمل الجدول خلاص بس قالوا لنا انه فايدة الاختبار توزيع الطلاب على مستويات عشان تدرس بالمستوى اللي يناسبك بس ما اعرف هل راح يتعدل الجدول والا كيف النظام بالضبط 5- لو ما دخلت الأختبار وش يسير؟ هذا السؤال محير الكل لو ما دخلت الاختبار ايش راح يصير ناس تقول يحطوك مستوى اول و ناس تقول يجبروك تختبر و الحقيقة فين الله و اعلم 6-يوم الأحد اليوم الثاني نداوم عادي ولا نتنسى حاجه على الأدوس مثلا تغير في الجدول عشان الإنجليزي ؟ اصلا اول اسبوع مافي محاضرات ابدا ترى ولو تغير شي رح يبان 7-الأختبار يبدأ 10 صح ؟ متى ينتهى ؟ وبالنسبة للمحاضرات اللي قبل 10 زي عندي حاسب من 9 الى 10 اروح قاعه الحاسب ولا كيف ؟ الاختبار ساعتين ما دام يبدا 10 اكيد ينتهي 12 زي ما قلتلك اول اسبوع مافي محاضرات بس لو حاب تلفلف تدور قاعاتك عشان ما تضيع بعدين وقت الجد و المحاضرات واسف على الأطاله لا خيووو نحن بالخدمة

موفق ان شاء الله