[كاساديا]

مرحبا
السلام عليكم جميييييييييييعا..

أنا بصراحه ماعندي هرجه معينه بأقولها,,
بس غبت فتره عن المنتدى ورجعت لقيت تغيرات سااااحقه ماشاءالله ,للأفضل طبعا,,
أولا :عزة نفسي تكفيني ,الف مبروووووك يابنت<<طيحت الموانه اسفه وللأمام انشاءالله وتستاهلي<< مره بدري
ثانيا: مرحبا بكل الآعضاء الجدد منورييين ورائعين بصراحه <<اشبنا نستنى تقولي كذا اصلا
ثالثا: على مدى ثلاثه ايام اراقب المواضيع وآخر المستجدات<<احس اني كونان
الزبــــــــــــــده:
حبيت أفيد ولو يشوييييه البنات الي حايسين حبتين فيما يخص كليتنا العزيزه
طبعا في البدايه ارحب بكوووووووووووووووووووول الي طبو علينا بنات الكليه العلميه وبنات السنه التحضيريه الله يحيكم<<اشبها كلية ابويا
نخش في الموضوع في امور لاااازم تعرفوها:
1- بنات التحضيري حيداومو في المدرجات تحت لانواعدادهم كبيره ماشاءالله وذا الشي الوحيد الي ماغيروهـ من يوم مافتحو الكليه ذي انو اول سنه في المدرجات
2- المدرجات كبييييييييييره وجدا بارده يعني وانتو تقضو للجامعه<<يعنني لااازم تحسبو حساب الشي ذا يعني الله الله بكشخة الجاكيتات
3- المباني مريحه بصراحه والقاعات مرتبه ونظيفه وبارده <<اهم شي
ومعامل الحاسب جيييده القديمه والجديده كلها بصراحه مرتبه بس صغيره شويه واحيانا كنا نجيب لابتوباتنا معانا وعاادي ترى بيكون مصرح لشعبه معينه تدخل لابتوباتها والي تبغا تجي بلابتوبها تاخذ تصريح من الشوؤن وتجيبو عااادي وخلي احد يتكلم
4- في 3 اماكن للتصوير * هيفا للتصوير غرفه صغيره وفيه ذي الادميه الي تحزن مسكينه بالها طويييل ونصيحتي تصور بسرعه ترى يعني مستقبلا <<افهمو يعني
*نعمات للتصوير اكبر من هيفا بشويه بس يسوون كل شي بحوث عروض باوربوينت أي شي يعملوهـ لكم وتصوير وتغليف ملازم ويبيع أي شي يخص الكومبيوتر والي يشتغلو زي العسل بس دااايما زحمه وبطيئين
* المكتبه الي تحت زي أي مكتبه وقرطاسيه يبيعو أي شي وكل شي وحللوه وهيا بصراحه وقت الفزعه ايام الاختبارات لمن يكون مافي قلم او مرسام او اله حاسبه واهم شي بطاقات الشحن هناك ارخص لااحد يضحك عليكم خذوها من هناك
5- الكافتريا في وحده كبيره فيها كل شي طاولات طبعا وكراسي يسموها الكانتين او عطاالله خخخخخ
واكشخ شي فيها كشك بيت البسبوسه ذا لمن يكون في عيد ميلاد مثلا ووحده مارضيو يدخلو التورته حقها هنا فزعتهم عااد في كل حلى يخطر ببالكم بدايه بالايسكريم نهاية بأم علي <<تخيلو
وفي كمان سينابون هارديز والكوكيز حقو<<ادمااااان وكشك كوب الذره المعروف وكشك اندومي بأنوااعو وغير كذا اشياء الكافتيريا حقهم ان كان من برجر او شاورما انواع الساندوتشات طبعا وانواع المشروبات ساخنه وبارده حتى قهوه عربي يبيعو ذا بالنسبه لمحتوياتها بالنسبه لآهم محتوياتها الي تبيع الدونات لانو هيا الي تبيع بطايق الشحن بس بزيادة ريال عن المكتبه الي تحت<<اهو انا قلت عشان ماتحوسو لمن يكون الرصيد00,0

أما بالنسبه للبنات بتشوفو كل شي بعينكم في كذا وفي كذا وانا بصراحه احب اقعد فيها مع صحباتي بس احيانا يكون المكيف حر شويتين,,
في الكافتيرا الثانيه الي عند نعمات للتصوير كأنها بقاله مرتيه بس يبيعو شبس وشوكلاتات وعصيرات يعني نقنقه انا عن نفسي ما اشتري منهم الا مويه حق المشوار الي مشيتو عشان اوصل للتصوير
وفي كمان ف كل مكان عربه اكل تدور فيها بعض اشياء الكافتيريا للي ماتبغى تتعب وتدور
5- المصلى ماشاءالله تبارك الله مسجد كبيييير ومرتب ونظيف ومررره احب انا وصحباتي نصلي فيه ونسمع احيانا الفعاليات الي بتصير فيه بس بعييد عن قاعتي اهو الواحد يمشي وياخذ حسنات يكفر شويه ذنوب المحشات الي قبل واسمو مصلى الرحمه وفي 3 بوابات اولها البوابه الكبيره برعاية خضرا وذي تودي ع المدرجات دغري وبوابة الباصات الصغيره رقم15 تودي الكافتيريا دغري وفي بوابة العميده الي تودي ع كل شي <<ولوو حقة العميده ذي


6- ذا بالنسبه لكل شي تحت أما المباني فوق الي هيا (أ) و (ب) و (ج)
حتلاقو القاعات زي الفصول مو مدرجات بس الكراسي زي المدرجات و فيها كل شي تلفزيونات عشان محاضرات الشبكه وشاشة عرض للبور بوينت وطبعا مرقمه حسب كل مبنى مثلا 902ب ,212ج وهكذا..
7- من الاماكن الي فوق كمان في المكتبه راااااااائعه بمعنى الكلمه فيها مراجع وكتب ل اللييييل تفيدكم في البحوث انا وصحباتي نحب نروح لها وقت مانبغا نراجع او نذاكر بمعنى اصح فيها جلسات منفصله كل بنت بطاولتها وكرسيها وفي عادي طاوله كبيره ومجموعة كراسي وفي كمان نت للي يبغو يخشو ع موقع او يكتبوا شي معين او أي حاجه وطبعا عشان تخشي المكتبه لازم كرت العضويه تسجلي اسمك ورقمك الجامعي وحركات كذا عشان يمديكي تدخلي أي وقت وتستخدمي النت وكمان عشان تستعيري الكتب لو تبغي.


خليت الشي هذا ااااخر شي ( الحمامات) الله يكرم الجميع فوق وتحت صراحه كبيره ومرتبه ونظيفه ولونها اخضر <<عشان النفسيه يعني
والحمدلله معالمها ما اختفت ليسا لكن نصييييحه لااحد يخشها نهاية الدوام يعني ع الساعه 11 كذا لانو بتكون في حاله تحزن بصراحه ..
ونصيحه كمان جيبي منديلك معاكي لانو بسرررررررررعه تخلص هناك..

بالنسبه لمبنى الشؤون ذا يبغالو موضوع بحاااالو حكتبو لكم إن شاء الله لمن تقرو ذا الموضوع وتستوعبوه شويتين وبعدين حرجعلكم ,اسفه ع الاطاله ويارب افيدكم , والي تبغا أي شي انا حااااضره
ودمتم مبتسمين