[tag2000sa]

المشاركة الأصلية كتبت بواسطة شرووق من وجهة نظري .. العلاقه اللي اساسها حرااااااااااااااااام مصيرها الفشل .. طيب ممكن نقول في البدايه حتكون حب .. طيب وبعدين ..مستحيل تستمر ..لانو كل واحد من الطرفين شاايف الثااني ملاك ..مع الحياة راح يبدا الشك ويطلع الوجه الثااني ..اللي الاثنين مخفينه .. والحب راح يجي مع العشره لما كل واحد فيهم يعرف الثااني كويس من كل جوانبه السلبيه والايجابيه ..وعلاقه الهاتف ..ايش بتكون غير الكلام المعسول ..وبس .. يعني راح يكون الاختيار عااااااطفي ..والعقل متوقف .. وبعدين ياا جماعه وين راحت الاستخااره .. يعني لازم ابني علاقه في الحراام ومن ورى اهلي ..بحجة اعرف انو خلوق ومحترم وماسك دينه ووو .. ماخاب من استخار .. استخيري الله .هو اعلم بالصالح من الطالح .. مو احنا اللي نحدد .. وكلامي عن الاستخااره من تجربه شخصيه .. اعذرووني طولت عليكم ..

لا يا أخت شروق ... الموضوع مو تشجيع أو إقرار على المنكر ولا هوا اعتراف بحتمية وقوع الغلط ....

لكن الموضوع يناقش مشكلة وحصلت <<< فهل من طريقة ﻹصلاح الخطأ وهل بيأثر الغلط اللي عملوه على حياتهم الحالية والستقبلية

يعني لا قدر الله شاب وفتاة غلطو وكلمو وتعارفوا وووو .. من باب الطيش والمراهقة .. لكن بعضهم عرف غلطه وانصلح حاله يعني الشاب مثلا اللي كان يلعب على البنت تغيرت نظرته لها وقرر يتزوجها لسؤال هنا هل هناك مايمنعه ؟؟ ولا ﻷ ؟؟

ونفس الشي البنت اللي كانت مثلا تكلم 100 شاب ... ربك أراد إنها تتوب لكن واحد من المية دول عجبها وعجبتوا ... السؤال هنا .. هل ممكن يتزوجوا .. ولا ترفضه ؟؟؟

هذا هو اللي فهمته من طرح الموضوع .. وإذا كان فهمي للموضوع غلط .. قولولي