[R-Kh]

انت كيمياء حيويه ...كيف الماده معاكي

انا ولله الحمد
جدا جدا جدا مرتاحة في تخصصي ومبسوطة لابعد حد
...
ميزة تخصصنا انو مرررة قريب من التخصصات الطبية
وفي مواد كتير بندرسها فيها امراض وعلاجاتها وكدا
يعني مجالنا طبي
يعني تحس قسمنا ومحاضرتنا كأنها فلم وثائقي
تشوف كيف المادة تدخل الجسم وتتفاعل وتهدم او تبنى والتحولات
مثلا السكر من لما يدخل فم الانسان والانزيمات اللي تهضمه الى ابسط شكل للسكر
وزيادة سكر الدم وامراضها ونقص السكر وامراضه
والعمليات اللي في الجسم المعتمده على مستوى سكر دم
...
مثلا في مادة اخدتها "انزيمات"
المادة كانت ممتعه لابعد حد
كان عند كل انزيمات الجسم
مثلا الانزيمات الخاصه بالكربوهيدرات والخاصة بـ الدهون و و
والانزيمات المحللة لجسم الانسان بعد الموت, وانها خاملة طالما الانسان حي لان الـ ph لجسم الانسان غير مناسب لعملها
وعند الموت الـ ph يتغير
وكدا
...
لو حبيت الكيمياء الحيوي
وحاسس انها تناسبك
اتوكل على الله ولا تتردد
ترى والله سهل
ولا تسمع انه صعب,
صحيح بالبداية تحس انك مشتت وكمية معلومات مررة رهيبة تحفظها
لكن حبه حبه تاخد على كل شي
وصدقني طالما دخلت القسم عن رغبة مهما واجهت صعوبات راح تتحدى كل شي
...
استخير مرة واتنين وتلاته
والله يكتبلك اللي فيه الخير
...
لو حابب تسأل عن الكيمياء الحيويه انا موجودة
وراح اراسل عضوة تخصصها احياء دقيقة عشان تقولك عن قسمهم
وتقدر تقرر براحتك
...
الله يوفقك
..
:)