بسم الله الرحمن الرحيم
يا شباب انا ابغا اديكم رايي و ارجو انو الاخوان المسؤلين عن حملة الاب توبات ما يزعلو
بصراحة شي حلو انو الواحد يكوون عندو لاب توب .... بس مو بالطريقة دي
اول حاجة الواحد يفكر لقدام ... اعطيكم مثال ... الواحد لو اشترا دسك توب بي 2000 ريال يعمل حسابو انو
يمشيييه الجهاز دا سنتيين ... و لو اشترا لاب توب بي 6000 ريال لازم يمشيه 6 سنوات .. و على كدا
تفتكرو الموديلات الي عارضتها الجامعة تستاهل قيمتها و هل انها تمشي الواحد 6 سنوات
ما اظن
السعر غالي و المواصفات مو قدي كدا
انا عن نفسي اشتريت عقلي و زدت عا المبلغ 1200 ريال يعني بي "7200" و اخدتلي لاب توب توشيبا افضل بمواصفات عالية
احتمال يمشيني من 5 الي 7 سنوات و نا حاليا شغاال عليييه
و زي ما اتفضل dr_love بضمان 3 سنوات و عالمي
اول شي الشاشة عريضة " 15,4 بوصة تقريبا فرق السعر عن المربعة في جميع الشركات 700 ريال
تاني شي سوبر دي في دي + - دول يعني كتابة و قرائة دي في دي ولا احلى من كدا . و تقريبا فرق السعر 500 ريال ادا ما كان اكتر
و طبعا كرت الشاشة nvidia بمواصفات عاليه راماتو مننو فييه
و شي تاني الكاش ميموري cash 2 MG عكس جهاز الجامعة 1 MG
" انا بتكلم عن ال cintreno "
ناهيكم عن فرق السمعة بين توشيبا و اتش بي
و التصميم و الوزن و اشياء كثيرة تقدرو تسألو عنها
و بالنسبة للاجهزة الي في الجامعة احس انهم جايبينها من محل عايدي احتمال يكون محل جوالات
و الضمان اللله اعلم من فين جايبينو ..... و شي تاني مافي تنسيق بين شؤون الطلاب و الشركة الي جايبة الاجهزة في المواعيد ... بحيث انو الاجهزة اتأخرت في الوصول زيادة عن اللزووم
بعكس ما وعدونا بيه المسؤولين في شؤون الطلاب
يعني المسألة فوضى في فوضى من بدايتها
و الضاهر انو ما لقيو مكان يصرفو الاجهزة فيه غير الجامعة .. و الدليل على كلامي موديل الرامات الي في الاجهزة مره قدييييييييييييييييييم
لا يغركم 1023 (1G) ,,, ترا سرعة الرام 266
يعني اقدم نوع ,,,,, الي في السوووق كولة 333 و الي في الدسك توب حقي 400 مشتريها العام الماضي
يعني حاجة تقهر
احس انهم بيستغلو الطلاب بطريقة بايخة ,,,, و مصداقية لكلامي
اتحدى لو انو واحد من الطلبة الي استوفى شروطهم يطلب منهم المبلغ كقرض ,,, يردو لهم عن طريق المكافئات ,,,, على اساس انو يشتري جهاز من خارج الجامعة
والله لو ينفلق ما يحلم بالمبلغ دا
يعني الحكاية نصب و استغلال
و انصح الطلاب الي ما عندهم قدرة على شراء جهاز كاش ,,, باللجووء الي الجمعيات
يعني لو كل 12 طالب سوو جمعية من 500 ريال في السنة يطلع للواحد 6000 ريال
هادا مجرد رأيي الشخصي ,,, و ادا في اي اعتراض او اشكاليه او اي استفسار تحت امركم
و لكم خالص شكري
و مع السلامة
