[غ ــرور أنثى]

صباح / مســاء الخيــر ع الجــميــ ع
تحياتــي لكــمــ صبايا
في البــدايــة أنا شايفــة حوستكم في موضوع السكن وشروطه وأنا حاســة فيكم لأني مثلكم مغتربـة أنا من أهل الشمال
أنا طالبــة مثلكم بعد وسنة تحضيرية خطــة ( ب )
وأنا رحتــ للسكن بنفســـي وشفتــ كل شــي وبعطيكم الزبــدة في كل المواضيــع اللي تسألون عنها
يعنـــي بعد كذا لا تسألي ولا تحتاري أنا جلست مع مشرفة السكن بنفسي
بالنسبــة لموضوع اللاب توبــ
مسموح سواء كان بكاميرا ولا بدون كاميرا
وبالنسبة لسالفة الكنكت ذي ممنـــــــــــوع وبقــوة
يعني هم حاطين غرفــة لنت إللي محتاجة شي منه ولا تبيه ضروري رح تكون متواجدة بس تحت إشراف أي مشرفـة
وبالنسبـــة للجوال الكــاميــرا ممنــوع ولا تسألوني شالفرق والله مدري عن قوانينهم
بالنسبــة للغرف بتكون ثنائية وهي عبارة عن شقة فيها حوالي 3 الى 4 غرفــ والحمام مشتــركــ
والسكــن ماهــو جديد ولا هــو منتهــي يعني مناسب وكبيـــر جداً ومحمـــي من برا بزنــكــ طويل الى السطح تقريبا
فيــه مطعم ومقصف ومسجــد وفيه حوش للي يبون يتمشون وفيه غرفة لنت مثل ماقلنا
وقالت المشرفة بتسوي غرفة للقهوة وجمعات البنات على حسب كلامهـا
وبالنسبــة للملابــس
مسموح تلبسين أرواب ، بجايم ، بناطيل بس تكــون البلايز طويلــة الى قريب من ركبتك و برمودا وشرت هذا كله ممنوع
أما سالفة البلايز العريانة كت ولا صدر وظهر مكشوفين فبصراحة
حنا رايحات ندرس يعني مدري وش الوضع بالنسبة لغيري بس هو أيضاً ممنوع ورأي سديد في منعهـ
بالنسبــة لمشــرفــة السكــن
اسمــها هــدى وهي جداً محترمـة وجداً أخلاقــ لكــنـها صعبــة وشديدة وتبغى الكل ماشي مثل الألف
وبصراحــة تقدرين تأمنين على حالك هناك لأنها حــرة بمعنــي الكلمة ومن جد خايفة علينا
أما بالنسبــة للأكل
الوجباتــ ماهي ببلاش مثل ماقالوا إللي قبلي كل وجبه عليها 5 ريالات على حسب كلامهم والله يا بلاش ومتوفر هناك عصيرات ووجبات خفيفة واللي تبي مثلا من البيك ولا بيتزا هت ولا من هالأمور أو حتى أغراض خاصة شوي تقدر تكتب ورقــة وتروح للمشرفة وتعطيها طلباتها والمبلغ والحارس يوفر كل شــي
وأتــوقع المطــعم فيــه تلفزيونــ
بالنسبــة للتوكيل يعني من يطلعك ويدخلك اللي سمعته انه يكون ولي امر ابو اخو ام اخت مدري عن سالفة بنت عمي وبنت خالي ومافي مشكلة لو كان أكثر من واحد يعني ابوك و3 من اخوانك عادي الوضع المهم ولي امر
والسكــن متوفــر فيه غسالة وثلاجة و افريزر واللي تبون اذا انتي تبين تجيبين معك اندومي شيبسات بسكوت اللي تبين خذي راحتك مافي مشكلــة
وموعد التسجيل يبدأ من يوم الجمعــة 13/ 10 والدراســة بالجامعة أول أسبوع مافي دراســة مجرد تعرف ومقابلات مع الدكاترة وسالفــة الدكاترة بالكلية مو مثل الجامعة مو صحيح بالعكس دكاترة الجامعة بنفسهم مدحوهم لي وأثنوا عليهم وأغلبهم عارفين ان الموجودين بالفرع هم المتفوقين لكن تعثروا بالقدرات أما اللي بالجامعة فالحظ كان معهم ولا أشمل الجميع و الجد ع الأسبوع الثاني لكن لازم تكونين موجودة من الأسبوع الأول لأن الغياب يسجل مثل ماحنا عارفيــن
والملابــس في الكليــة إشتري اللي تبين قمصان بديهات تنانير وحتى البناطيل الطويلة اذا تبين تلبسين عليها بلايز طويلة مافي مشكلـة والبلايز معاك الى ربع كم ونفس الشي بالنسبة للسكن
أنا قلتــ كل شــي أعرفــهـــ وأبيكــمــ تعتمدون لأني متأكدة من كلامــي ولا تخافــون الوضع سهل بنتعب أول شهــر لكن بعد كذا رح نحب قعدتنا و وناستنا وتعب الدراســة رح يكون عسل على قلوبنا
وإللي عندها إستفسارات في أمور حساســة شوي وتبــي أي سؤال تراسلنــي خاص وانا بعطيها ايميلي واذا تبي رقم السكـن أنا بوفــرهــ لها بعـد
وتذكروا حنا مو مجرد صديقات حنا أيضاً منافسات لبعضــ يعني الله الله بالهمــة عشان الله يوفقنا ونوصل للي نبي
والأجــر علــى الله
تحياتـــي لـكــمــ