[توري]

شوشو ياقلبي .. انا مثلك كنت خايفه وأَعطيت الإختبار أكبر مِن حَجمه ..

لَآ تخَـافي ولا شي .. تراه إختبآإر بسيط وتَـأإفه ..

وَأنا رَاح أعلمك كِل اللي سَويته .. < الله يعينك ترى بطول

أول شَي في الإجازه الصِيفيه يَعني زَي ذَا الوقت العَام .. رحت وشريت رام1 + رام2

ورميتهم عَ المكتب ولا فتحتهم

في نهااية الترم الأول حَضرت دَوره سووها بمدرستنا .. استفدت منها بس مو مره والله

المهم بالأخير قررت إني ماأشيل هَم الإختبار وأركز ع النسبه لأنها تمثل 50 %

في الأيام الأخيره .. بدأت أدخل على موقع قياس وأختبر الإختبارات التجريبيه .. وكل مره كانت النتيجه متفاوته

مره اجيب 12 .. ومره 9 .. ومره 3 .. يعني على حسب المزاج ..

إذا دخلت وانا رايقه حليت صح حتى لو السؤال صعب .. واذا دخلت وانا متوتره السؤال السهل ماأحله

وقتها قررت ادخل الإختبار وانا مرووقه اعصابي ع الآآآآآخر .. لأنه يساعد على التركيز

خلصت الإختبارات النهائيه .. وكان إختباري في أول يوم اللي هو الثلاثاء 14 - 7

يعني كان قدامي 5 أيام .. في هالوقت فتحت رام1 وكان مره دسم .. لكن فيه توضيحات كثيره للقدرات . يعني منه فايده

بس للأسف السي دي اللي معه ماشتغل

وبعدها فتحت رام 2 .. وكان ملخص لجميع المواد .. وانسدت نفسي منه وقفلته .. بس اختبرت ع السي دي

وربي انه جت منه كم سؤال نفسسهم في الإختبار التحصيلي .. يعني كوبي بيست ..

عشان كذا إقرأيه لو مجرد قراءه ..

بعدين ماما جابت لي كتاب قياس .. رغم إنه كثير مامدحوه .. لكن أكثر شي أحس استفدت منه

وكمان في اخر الكتاب اختبارات تجريبيه نفسسس طريقة إختبار القدرات .. وورقة الإجابه نفسها اللي في الإختبار

المهم هذا ركزت عليه اكثر شي .. يعني ذاكرته مذاكره خفيفه ماثقلت على نفسي .. بس انصحك تذاكريه بتركيز لأنه يرفع من درجتك ..

ليلة الإختبار خلاااص هديت اعصابي ع الآآآآآخر .. وصليت وتوكلت على ربي .. ورحت اطلع ملابسي اللي رح البسهم وقت الإختبار < أقولك مروقه مره

ونمت عادي .. ورحت الجامعه .. ( نصيحه روحي بيوم واحد انتي وصاحباتك عشان تونسون بعض ^_^ )

المهم اول مادخلنا اعطونا بطاقة دخول الإختبار عشان نعبي بياناتنا .. وبعدين رحنا ع القاعات ..

وعادي دخلت انا وصاحباتي بقاعه وحده مع انه كل وحده في مجموعه

المهم جابو كتيبات الإختبار .. وجلسو يعلموننا كيف نعبي البيانات وكذا ..

بعدين فتحنا الكتيب .. طبعا هو نفس الأسئله لكن ترتيب الأقسام يختلف

كان مقسم 6 أقسام . قسمين قدرات و4 تحصيلي .. كل قسم صفحتين وجه وقفا .. وفيه ساعه ع البروجكتر تحسب الوقت ..

نصيحه السؤال اللي ماتعرفينه خليه للأخير .. واذا مره ماعرفتي شي توكلي على الله وحطي أي إجابه ..

عادي ترى اغلب البنات كانو كذا ..

واغلب الأسئله كانت من ثالث .. يمكن سؤال ولا سؤالين كانو من اولى وثاني . يعني مره لاتشيلين هم ..

وأبداً أبداً أبداً لاترتبكين لو لقيتي شي ماتعرفينه .. حطي في بالك إنه هالسؤال مو نهاية الدنيا .. ولو ماعرفتيه رح تعرفين غيره إن شاء الله ..~

وصدقيني رح تشوفين إنه مجرد إختبار لا راح ولا جا وإنهم مكبرين سالفته وهو مايستاهل

يعني ياقلبي الحين انسيه وعيشي حياتك واهتمي نسبة ثالث ثانوي .. واستمتعي ترى هالسنه من جد غيررر غييير غيييييييير ..

ايه بعد لا تسمعين للإشاعات و الحكي الفاضي ..

تراها ماتزيد الا همك .. يعني ياما سمعنا انه الأسئله من الرئاسه .. ولا انه اول يوم يكون اصعب شي اختارو ثاني يوم

احنا سجلنا اول يوم وكلن صار يقول ليييييييييه ماسجلتو ثاني يوم اسهل ومدري ايش وتعرفون الإختبار ..

سبحان الله نفس البنات جو بعد إختبارهم يقولون ياليتنا سجلنا معكم .. إختباركم الإنقلش أسهل ..

على كلامهم ذا ولا أنا اتوقع كلو نفس بعض .. كلو بيعدي

وإن شاء الله ربي يوفقك ونشوفك السنه الجايه معنا بالجامعه ..~

وسـوري إذا طولت عليك .. < تحس إنها قالت قصة حياتها