[soma al7elwa]

هههههههههههه

منجد تحف

أول شي عن الناصحة

غلطها انها تنصح فشي مختلف عليه

ومن زاد علمه قل انكاره

يمكن هي غيرة منها مو أكتر

والأرجح انو هي اللي بدأت بأسلوب مش ولابد ولا ماكان راح يوصل الموضوع للضرب

وممكن كمان تكون هي اتكلمت باسلوب كويس قاموا قالوا لها البنات خلي زوجك يغض بضره وقامت شبت بينهم

ذكرتيني بداك اليوم فالحرم كنت بطوف وطبعا لابسة عباية سادة وطرحة سادة

وفي واحد مع مرتو استغفر الله ماساب وحدة بحالها

قامت جاتني مرتو سحبتني من يدي على جنب

" يا اختي ما تستحين تكشفين وجهك بالحرم ما تشوفين كيف الرجال يناظرونك ما تستحين؟؟؟ وين راح الحياء للمرأة المسلمة؟ ولا خلاص ماعاد عندنا حياء؟هالحين ابوك يناظرك شيقول ؟؟ بنتي فاصخة؟"

ياشيخة كان نفسي أقولها روحي لمي زوجك بعدين تعالي اتفلسفي

بس هزيتلها راسي ومشيت

وفالسعي صرت كل ما أشوفها ابتسلملها كدا عنااااد فيها

تاني شي عن البنات مهما كان ماكان في داعي توصل للضرب

تالت شي عن الزوج

لااااااااااااااا يا شيخ!!!

خاف من البنات يبلغوا الهيئة انو اتحرش فيهم؟؟

ياحراااام

حزني

يستعبط ولا يستعبط؟؟ >:-|

لو كان يبغى يتدخل ويساعد مرتو كان اتدخل وحتى لو البنات اشتكوا يوريهم الكم كدمة في جسم زوجته ويقول انو كانوا البنات يضربوها وهو بينقذها

صعبة؟؟

بس هو كان عاجبو الوضع