يا اهلا وسهلا بالأمامير
يا ناسو عليكم يا مستجدات << طيب يا متخرجة
نورتوا الكلية من قبل ما تبدأ الدراسة كمان ما شاء الله
ألف مليون مبروك على قبولكم واتمنى لكم التوفيق والاستمتاع في رحاب الكلية وكلاساتها
(باين اني اكتبها وانا اضحك صح؟
)
لا عن جد حسيت بفرحة لما شفت اسمائكم هنا
خصوصا انثى نرجسية...من باب زمالة الاشراف
مع اني ما اعرفكم كلكم
بس ارحب فيكم هنا
واحب اقترح عليكم...واسمعوا كلامي ما تندموا
خلاص اتقابلوا يوم الاثنين اول اسبوع
طبعا كلية العلوم اللي كلية الحاسبات شاحتة من عندهم 5 غرف دراسية محسوبة لنا
بين المدرجات 101 و 102 و 103
حتى لو 50 بنت حيكفيكم المكان ان شاء الله
وكلكم البسوا بناطيل ولابكوت...عشان لما تنسحب بطاقاتكم...تنسحب منكم كلكم
خلاص كدة انا حليت لكم الموضوع
حتى اللي ما تكتب اسمها هنا حتروح وتشوفكم وتعرفكم