[بآيعتهآآآ بذكآء]

المشاركة الأصلية كتبت بواسطة نوراليا اليوم حابة اتكلم عالمبنى الثالث

يامسآآء الخير...والجلسه الحلوة ..والطقطقة والسواليف
صبوا القهوه يابنات ..وجيبوا الحلا وخل نسولف <<حال الحريم السعوديات

المشاركة الأصلية كتبت بواسطة نوراليا انا اخد دورة بمعهد العالمية انصدمت لما شاهدت حقيقة من البنات

يؤ يؤ.. عسى ماشر وش اللي انصدمتي منه؟ لا يكون فيه جروح والا شي

المشاركة الأصلية كتبت بواسطة نوراليا من فين جايين

المشاركة الأصلية كتبت بواسطة نوراليا بويات وبنات مكدشات ونظارات سودا كأنهم Vbi وبنات عاملين مكياج كأنهم بفرح وغيره من القلة الحياء والتريقة عالرايح والجاي والاحضان اول مايدخل احد يبحلقو فيه زياللي تشوف اكل وتفز والسماعات 24 ساعة غي اذنهم طربانين وبعدين مع هذا الحال لااااازم تشوفو فيهم حل ووييييييييييييييين الامن عنهم والشؤون انتو ايش رايكم يااعضاء

ياحي الله نورالينا<<هالاسم مركب والا طبيعي؟؟
لو تعرفين حقيقة وجودي هنا
اني ادحدر دحدرة من موضوع لموضوع
ومن قسم لقسم
وافرفر بهالمواضيع وافصفصها
في هالمنتدى الرائع حقيقة
قوة جبارة ماشاء الله من ناحية الادارة والمشرفين<<جالسه ترشي الاخت خخخخخخخ
وين الصحف مايجون يكرمون هالشباب اللي اقامو المنتدى؟؟
هذا بحد ذاته عمل سعودي ناجح 99%
واحب كل موضوع فيه
خاصة المسابقات
بس ماعرفت ولا حل لها<<<حالتي لا قريت السؤال
حالفين اني مااعرف له حل من اول سؤال

ندخل بالموضوع علطول لا نضيع هالوقت الحلو بالسواليف الجانبيه

في بداية الموضوع حبيت اسأل ليش كل من طفش رزع له موضوع عن وش شافت ووش ماشافات ( الفاضي يعمل قاضي !!)
بخصوص البويات فماعرفت بالضبط وش تتكلمين عنه .. هل عن الاستايل او شنو بالضبط؟
بخصوص البنات لمكدشات
فهذه من رأيي المتواضع الذي كل الناس يشكروني عليه<<ايه هين
ان هذه حرية شخصية لا يحق في اي فرد التدخل بكيفية قصة شعرك أو كيف مسويته اليوم ..
هل فاردته او مكدشته او مسويه تسريحة الابراج السبع او انك ناحتته
هذا شي خاص ..
الواحد لما يحب يعيب انسان
فلابد انه يعيب على الاخلاقيات والخلق
لا على المظهر والشعر والنظارة اذا كانت لابستها سودا والا بيضا
طيب حنا وش دخلنا لابسين نظارات سودا والا لا؟
بكيفهم
ناس حابين يلبسون نظارات ويكدشون شعورهم ويحطون السماعات
سواء بيسمعون اغاني او بيسمعون قرآن
شيء راجع لهم

او مثلا حطت لها كيلو ميك اب على وجهها
ومابقت عليه ولا نوع ماحطته
هل لنا دخل فيها؟
هذه ياعزيتي جآآآمعة
والجامعة تجمع لك مليون شكل ولون ومظهر
واعتقد ومن وجهة نظري اللي كل الناس يحبونها<<وبعدين معاك
ان الشخص مسؤول عن نفسه .. وبهذا العمر اكيد هو محدد وش يبي ووش مايبي
والشي الأهم هو انه عرف الصح من الخطا
ولا يحق لنا اننا نوحد الشكل او نتوقع اننا نتقارب في المظهر كأيام الدراسة
والمظهر والاستايل والشعر والنظارات هذا شي مب عيب ولا حرام
كدشته والا سوته حرير .. والا لبست نظارات والا مالبست نظارات

وعلى فكرة
صحيح اني اول ماادخل المبنى الكل يبحلق على قولتك كأنهم يفصفصونك فصفصة
لكن هذا شي راجع لهم
بكيفهم ..


اما بخصوص الامن والحلول
فأنا ضحكت ضحكتن مابعدها ضحكة
خخخخخخخخخخخخخخخخخخخخ
حلول ويش ؟؟ هو فيه شي غلط سووه عشان نلقى له حل
الحقيقة تقول اننا احنا البنات
نحب السواليف
ونحب نبالغ بالامور ونكبرها لين نسويها قضيه
وبصراحة انتم كذا كبرتو المواضيع بزيادة
ماادري يمكن اننا نكون فاضين .. زي ماانا فاضية الحين ورديت عليكم<<الأخت بزنس
او ان اغلب الحريم يحبون انهم يتكلمون عن الناس وش سوت ووش قالت ووش فعلت ومن هالحكي

متى نترك هالطبع
ونهتم في اننفسنا وفي امور مهمه بارك الله فيكم

طبعا يااختي الكريمة
انا مااتكلم عنك
انا اعمم هالموضوع
على الكل لآن هذا مو اول موضوع ينفتح
وعلى فكرة بعد تراني سعودية .. بس الحق حق والغلط غلط

متى بنكبر ونناقش في السلوكيات والأخلاق


بارك الله فيكن ورمضان كريم وصوما مقبولا


وياليت تقولن لي من وين جبتوا ملابس العيد لأني للحين مالقيت شي حلو



اشكرك اختي واتمنى ان تتقبلوا كلماتي بكل شفافية
تحياتي لكن