[Pharm.D_Sahar]

المشاركة الأصلية كتبت بواسطة عبدالعزيز الرويلي السلام عليكم ورحمة الله وبركاته انــا اخــووكم عبدالعـزيز الــرويلي من جامعة الملك عبد العـزيز"الحـدوود الشماليه" اهنيكم على المنتدى الرائع واللي حمسني للدراسه .. واهنيكم بشهر رمضان بعــدددد.. أخـوااني انا قبلت في الجــامعه بتخصص الصيـددله ومن يومهـا لا نومي نووم ولا نهاري نهار بدا يدخل الخووف فيني والقلق والتوتر ورربي اني افكر انسحب وانا توني يعني مادخلت ف السنه التحضيريه وكل هذا من تفكيري بالفشل وكذاا واحس خوفي بيوديني في دااهيــه.... وفي حاجات كثيره ودي تجاوبوني عليها وتريحوني ... 1_ جامعتنا تعتبر فرع للجامعه اللي عندكم وقريت ان الفارم دي"دكتور صيدلي" بس متوفره عندكم لانها خاشه مزااااجي مرره هل يعني الكلام هذا انها مو متوفره عندنـا في الشمـااااال؟ شوف ياأخي انا أعتقد والله أعلم إنو إزا كان هذا النظام في الجامعة الرئيسية بجدة وعندكم الشمال فرع لنفس الجامعة والتخصص فيعني إنو أي نظام في الرئيسية لازم يُطبق في فروعها كلها من باب أولى ... لأنو هي فرع من اللي بجدة ... بس أنا أعرف إنه نظام دكتور صيدلي فقط لنا نحنا آخر دفعة وأنا سنة ثالث دحين يعني الدفعات اللي بعدنا كلها لازم بعد 5 سنين الدراسة بالصيدلة بعدها على حسب معدلاتهم واختبار معين منهم يدخل الفارم دي ومنهم يبقى صيدلي عادي<<فارماسست وللعلم ما في فرق الا إنه الدكتور الصيدلي في الوظيفة يعتبر من الدرجة الثالثة اما الفارماسست من الدرجة الثانية والراتب يفرق شويا وكمان اسلوب العمل يعني بس الدكتور الصيدلي ما طبقوا نظامه الا بس في مستشفيين بجده وباقي المناطق ما ادري يعني اللي ابغى اوصله لك انو الصيدلي والدكتور الصيدلي بيشتغلو نفي الشغل حالياً... والله أعلم.. 2_اخـوااني انــا مررره خـاايف ومتوتر وقلق من الدراسه وصعوبتهـا اخااف تكون صعبه مره وما اقدرلها وخاايف من السنه التحضيريه بعد هل خوفي في محلـه؟؟؟ الدراسة مو صعبة لهادي الدرجة والا ما كانو اتخرجوا منها اللي قبلنا لكن يبغالها شدة حيل وأكيد دراسة الطب والصيدلة هي تفرق عن باقي التخصصات لسبب واحد إنها تخصصات حية فيها تجدد كل يوم نسمع عن مرض جديد وفلان اخترع دواء جديد يعني موضوع حي ومتجدد لازم الواحد بشكل دوري يكون عارف ايش بيصير حوله يعني دراستها يبغالها مراجعة دورية لأنو مو معقول يجي دكتور يعالج او صيدلي وما يتذكر اسم المرض او الدواء او ما يعرف يشخص الحاله لأنه نسي غير كدا صراحة هي مو صعبة مرررررره يعني يمديك تدرسها وتتفوق فيها وانت لو مو قدها ما كان اتقبلت فيها .. 3_معدلي في السنه التحضيريه هل بالامكان انه يمنعني من دخولي تخصص الصيدله اللي قبلت فيه يعني مثلا اذا جبت معدل 2 لاسمح الله اقدر اكمل او لا ف الصيدله؟؟ إيوا معدلك يمكن يمنعك عشان كدا شد حييييييييلك عشان تشرفنا .. 4_ مرات افكر بالتحويل للطب بعد السنه التحضيريه اذا سمح لي معدلي ... هل صحيح ان الصيدله اصعب من الطب ؟؟ بالنسبة ايش اصعب طب او صيدلة شوف يا اخي الطب يعتمد على احياء وتشريح واشياء زي كدا كتييييييرويدرسوا كيمياء بشكل عاام ومبسط بأول سنة وبس اما صيدلة تعتمد على الكيمياء بأنواعها كيمياء الدواء وحيوية وتحليلية وعضوية ولا تتخيل انو العضوية زي اللي درسناها بالثانوي لاااا هنا شيء ثاني مفصصصل وكمان أحياء بشكل عام في سنة اولى وفي تشريح في سنة ثانية ومررررره مختصر طبعاً مو زي الطب يدرسوا كل شيء بجسم الانساء وبالتفصيل اوك نحنا ندرس كل شيء بس الاشياء الرئيسية واللي لها أهمية في دراستنا وتدعمها.. يعني كل واحد يعتمد على شيء معين شوف انت ايش تحب وادخل كلهم زي بعض من ناحية الدراسة اللهم طب= حفظ اكثر وفهم اقل وصيدلة = فهم اكثر وحفظ اقل .. والله أعلم .. 5_ صحيح اللي نسمعو عن ان في ناس اخذو بكالريوس الصيدله ومالقوا وظيفه.. انا خائف جــداا عن مستقبل التخصص هــذااا ...بالعكس مستقبل الصيدلة مضمون بإذن الله والمملكة محتاجة صيادلة ودكاترة صيدلانيين سعوديين وسعوديات ويكون بعلمك الطب كلية من سنة جدي ما كان يحبي وهي مفتوحة اما الصيدلة كلية جديدة تقريباً والله أعلم 6 دفعات اللي اتخرجو بس يعني ابو وام المستقبل وكمان لها اكثر من مجال في الوظائف بعكس الطب << دكتور غير كدا لا الصيدلة تقدر تشتغل بمستشفى ومراكز مكافحة الإدمان وشركات ومصانع ادوية وتقدر تشتغل شغل خاص مثلاً تفتح صيدلية وعلى فكرة الصيدلي في القطاع الخاص ربحة أكثر ربح على مستوى الأشغال الخاصة له الأحقية ب25 % من الأرباح وهذا يعتبر شيء كويس ومررررره حلو يعني صيدلة مستقبلها مضموون بإذن الله لا طب ولا طب اسنان يكافئها بمستقبلها ولي وجة نظر في الطب انو الواحد يقعد 7 سنين دراسة بكالريوس وازا تبغى معيد بالجامعة لازم معدل عالي وما اعتقد واحد يبغى يدرس طب عشان يصير في النهاية معيد بالبكالريوس اكيد ما دخل طب الا وعنده طموح يكمل للنهاية وقادر وهو حب ويبغى ازا اشتغل في مستشفى بالبكالريوس ما احد يعبره لأنو وقتها بيكون قسم طوارئ طبيب عام يعني عشان يصير له اسم ودكتور قد الدنيا زيادة على ال7 سنوات لازم يدرس تخصص سنتين او 3 وغيرها كمان يترقى ويصير احسن واحسن استشارة وكم سن فوقها والزمالة وغيرها ولاحظ هذا كله بدون ماجستير ودكتوراه يعني موت وانت تدرس الين ما تصير دكتور عليك السمعة الكويسة اما صيدلة 6 سنوات بكالريوس والماجستير ودكتوراه ازا حاب تكمل وتصير مرررررره شيء كويس وممكن تشتغل دكتور بالجامعة كمان وتقدر بالماجستير تصير محاضر وبالبكالريوس معيد وطبعا يعتمد على المعدل.. اسف على الاطاله ولكن اعذرووني خووفي موديني في داااهيه وووربي والله يسترر اتمنى تجاوبوني جميعكم

إن شاء الله أكون أفدتك بما عندي وبما أعرفه وربي يوفقك ويهديك لما فيه خير واستغل رمضان بالدعاء والاستخارة وربي يختار ما فيه خير لك.. أسأل الله أن ينفعنا بعلمنا ويحقق لنا ما نتمى انه سميع مجيب..