[خلود المشاعر]

شوفي يا قلبي

الاثنين لهم مزايا والاثنين ما تخلو من عيوب

المدرسه احلى مافيها التقيد مع انها روتينيه بس بجد نطلع بنتيجه لانو في احد بيجري ورانا وبيساعدنا وواحنا متكين ما علينا الا اننا نسمع الكلام ونذاكر بس في النهايه برضو احنا الكسبانين

اما الجامعه كمان حلوه من ناحيه انك تسايري الزمن اللي كبرتي فيه ويعلمك على المسئوليه " عدم الاتكال " والجري ورا مصلحتك عكس المدرسه ... عيب الجامعه انو مغرياتها مره مره كتيره مقارنة مع المدرسه بحكم انك سرتي مسئوله عن كل تصرف انتي حتقومي بيه من حضورك لمحاضراتك من سؤالك على درجتك في الاختبار من همتك وعزيمتك

احس في الجامعه يبان مستوى الطالب الحقيقي .. هل هو اتكالي وبينجز او انه بيتخطى حدود الاتكاليه وعلى الرغم من الحريه برضو بينجز

بصراحه كلها علمتنا وكلها وجهتنا للي نبغاه وحققنا بيها امالنا

اهم شي حسن التصرف في كل مرحله وامشي في الطريق اللي بتحسي انو يخاوي مصلحتك ويعزز نجاحك

احس اني طولت كتير بالكلام اقوم اتسحر

ورمضانكم كريم