[فاقدة أبوها]

السلام عليكم

كيفكم بنات !!

بما اني من عشاق المطبخ فالموضوع شدني جداااا وحبيت اني اشاركم بأكلة احبها كثير هي الدجاج الصيني ...
وطبعا الدجاج الصيني معروف ومشهور في المطاعم لكن لما تعمليه في البيت طعمه يكون أفضل بكثير -تمدح نفسها
المهم انا كنت دايما اشتريه -طفشت اخويا رايح جاي عالمطعم - لحد مادلتني صديقتي على طريقة عمله في البيت وعجبتني انها سهلة وسريعة-عموما مااطول عليكم -- بعد ايش وهذي الوصفة

المقادير

1-دجاجة متوسطة يزال عنها الجلد والعظم وتقطع لقطع طولية صغيرة(ممكن نستخدم الفيليه لتوفير الوقت والجهد)
2-عدد8حبات فلفل رومي متوسط مقطع حلقات
3-عدد2بصلة كبيرة مقطعة حلقات
4-ملعقتين زيت اي نوع
5-ملح وبهارات(فلفل أسود-كمون-كزبرة ناشفة-كركم)مطحونة جديد عشان النكهة تبين
6-حبة فلفل حار مقطعة حلقات (لكن انا مااحب الأكل الحار فما أضيفه أبدا) واذا كنتي تحبي صلصة الصويا ممكن تضيفينها بس انا مااحبها
- معقدة

الطريقة
1-نقلب ثلاث أرباع كمية البصل في الزيت لمدة دقيقة فقط.
2-نضيف كذلك ثلاث أرباع كمية الفلفل الرومي وحبة الفلفل الحار ونقلب.
3-نضيف الدجاج ثم البهارات ونغطيه على نار متوسطة مع التقليب بين فترة وفترة لمدة نصف ساعة
طبعا ماراح يحتاج نضيف موية لأن الدجاج ينزل مويته ..
4-نضيف بقية الفلفل والبصل والصويا ونتركها على النار 10دقايق ثم تقدم مع الرز الأبيض


وهذي صورة احتفظت فيها في جوالي ---من زود الغلا حبيت تشوفوها وتجربوها وتعطوني رأيكم فيها
وصحتين وعافية