السلام عليكم ,,, مساعده ,,,, انا حيرانه

[عيونك آخر مالي]

السلام عليكم جميعا

لو سمحتم ممكن اسألكم بالنسبه لتخصص الحاسب اشلون اعرف ومن اي مستوى اتخصص حاسب
لاني لسه راح اجي على الترم الثاني بس قريت بكذا موضوع انو تخصص الحاسب بعد كذا مستوى يعني مو على طول

وانو بس يقبلوا حاسب 50 او 60 بنت بس من الكليه ككل ,, وكم المعدل الطلوب لتخصص الحاسب

بلييييييييز ابي توضيح ليا والله خفتتتت مرررررره
لاني لو ما تخصصت حاسب على طول حسحب ملفي واطلع ,, لان ماكان في بالي العلوم كله بس رغبت بابا
وغير كذا كنت ابغا قسم تربيه خاصه للصم والبكم في الرياض وماقبلوني ,,

فيا يالله شفت الراي العاااااااام عنديهنا على الحاسب قلت يالله امري لله


الله يخليكم طمنوني
واي شي اكتبولي اي شي تعرفوه حطوه

بلييييز

[ابو الوليد]

بسم الله الرحمن الرحيم
اولا هنيئاً لك عدم قبولك في الرياض
ثانيا بالنسبة لكيف تتخصصي حاسب
اولا تدخلي اي كلية حتى ولو كلية الاداب وتحولي الى كلية العلوم بشرط المعدل فوق 3.5 ( بسيط جدا - اي الكل يمدية يحول من كلية الى اخرى )
في كلية العلوم لازم تجيبي معدل 4.5 لكي تتخصصي حاسب الي طبعا كل سنة يغيرون النسبة ممكن 4 بدل 4.5 المهم
اذا جبتي النسبة المطلوبة بعد الترم الثاني من الدراسة هنا تاخذي استمارة تحويل الى قسم الحاسب الالي واذا توفرت فيك الشروط يحولوكي
من بعض الشروط
المعدل كما شرحت لك سابقا
المواد رياضيات 101 وفيزيا 101 وكيميا 101 لازم تجيبي تفدير مرتفع اضن اقل شيء 85
وحاسب 101 لازم ممتاز اقل شيء 90
------------------------
واريد ان اقول لك عزيزتي ابذلي الجهد وستسعدين بهذا القسم
المواد فيةة حلوووووووووووووة والاهم وظائفة على طول وفي اي زمان ومكان حتى للسيدات مطلوب بشكل خيالي
مثال في المؤسسة الي انا شغال فيها مطلوب في جدة بس 30 واحدة معاها بكلوريوس حاسب الي رواتبهم 9750 بالملي
يالله شدي حيلك ...................................... وربنا يوفق الجميع

[عيونك آخر مالي]

اشكرك اخوي وربي يعطيك العافيه

بس ماتحسها اشوي لالمعدلات عاليه
يعني انا ما اتوقع مثلا راح اجيب 4 ابدا
ليش
لاني خايفه ومتغربه وانا متعوده على المدرسين والمدرسات وبالذات تقول انت انو مواد العلمي لازم اجيب فيها عالي


فما ادري اذا بسأل عن مدرسات يجوا على السكن الداخلي ولا لاء ,,,

او فيه مراجع اجيبها تساعدني على مواد الرياضيات والعلمي كلو لمؤلفين معروفين


شفت اشلون انا محيوسه ساعدني كأني اختك الصغيره بليييز

[ابو الوليد]

طيب يا اختي الصغنونة
كيف تجيبي درجات في المواد ؟؟؟
طبعا بالاجتهاد وطبعا المواد سهلة وربي لو تشوفي الكيميا ولا الفيزيا ولا الحاسب ولا الرياضيات والله تفطسي من الضحك ! !
من جد حاجة سهلة بس بالمذاكرة ( وحتى مو يوميا مو نصيحة بس حتى اوصل لك المعلومة )
وفية ملخصاااااااااااااااات كثيرة وسهلة وواضحة وفية اسئلة لاترام سابقة محلولة
وشيء مهم كذالك ان الاختبار موحد لكل الطالبات يعني اي طالبة عند اي دكتورة تختبر في يوم واحد في وقت واحد الاختبار نفسة يعني العملية مترتبة عليك اذا اجتهدتي تجيبي 100 % عاااااااااااادي لا تقولي مدرسة معقدة ولا ظلم بين الطالبات ولا غيرة
والمواد والله سهلة سهلة سهلة سهلة سهلة سهلة سهلة سهلة سهلة سهلة سهلة سهلة سهلة سهلة
بس انتي اضحكي وبس ولا تحوسين ولا تحتاسين .
وصدقيني راح تنبسطي بالقسم مررة

[عيونك آخر مالي]

ربي يخليك

طيب اشلون الاقي الملخصات القديمه ,,, بس استفسار لاني ابغا اروح على داريه عن كل شي

ومعلش راح اطفشك بس ابغا اسألك من اي مستوى راح اتخصص الحاسب اذا جبت معدلات عاليه انشاءالله ؟؟

وكمان سؤال للمدى البعيد بس فضوليه انا وسباقه لكل شي
الحين اذا ما جبت مثلا الله لا يقوله معدل مايدخلني حاسب مافيه اختبار او اي شي يشوفو اذا ممكن يدخلوني فيه ؟؟؟
يعني مساعد او اي شي ؟؟؟

وانتا كذا على كلامك متخرج ومتوظف كمان بعد ما درست حاسب صح ,,,, بختك انا قدامي مشوار

[فارس جده 25]

انا من خلال طرحك لهالموضوعك ومن خلال ردودك السابقه حسيت انك من النوع القلق

وحاب اقلك شي


ليش القلق ، ماااااااااااافي اي شي في هالدنيا يستااااااااااااهل


هذه معلومه

الثاني


شفت ردك بسرعه لمن قلتي مايمديكي تجيبي اربعه من خمسه


تعرفي ايش يعني اربعه من خمسه


يعني تجيبي 80 من 100 في الماده ، مايمديكي تجيبي 80 ؟؟؟؟؟


وبعدين

نصيحه

اول سنتين في الجامعه هي اهم سنتين ، يعني اذا تخصصتي تبدئي ترتاحي وانصحك بحاجتين

اولا

الدراسه اليوميه

وثانيا

العالاقات الاجتماعيه مع الطالبات والاكاديميات وخصوصا الدكاتره ، يعني بالعربي خليهم يعرفونك ويحسو بالقلق حقك لانهم اذا عرفوك وحسو انك مهتمه والله يساعدونك ، اهم شي العلاقات


والله يوفقك


فارس جده 25

[عيونك آخر مالي]

الله يوفقكم الجميع

بس هوا التخصص من بعد سنتين ؟؟ مو من بعد سنه وحده ؟

وانا قريت كلامك ,,, صراحه انا مالي جرأه مع الدكاتره والاساتذه ,, مدري ما اعرف اشلون اتعامل مع الرروووس الكبيره ههه
اخاف

اكبر مني بكثيييييييييير حدي انا اللي قدي بس ههه

واشكركم وتحملو اسألتي بكره لمن اروح وادرس اتذكرر كلامكم وادعيلكم

[فارس جده 25]

من الروووووس الكبيره


الكبيره هي انتي ولازم تفتخري بنفسك وتثقي بقدراتك ومواهبك


وهما اللهم وفقهم ربي واجتهدو واخذو شهادة دكتوراه

عموما لازم من العلاقات الاجتماعيه زي ماقلتلك


وبعدين التخصص بعد سنه لكن اللي اقصدو ان المعدل التراكمي يعتمد على اول سنتين لاني في السنتين الاولى يكون المعدل خفيف يطلع بسرعه وينزل بسرعه بعد كدا يكون نسبة ارتفاعه او انخفاظه بطئيه


سلملم

[عيونك آخر مالي]

وصلت المعلووووووومه

شكرا لك اخوي

[ابو الوليد]

يسم الله الرحمن الرحيم
بالنسبة للملخصات تلاقيها في المكاتب الي قبال كلية الهندسة ... يعني برى الجامعة وبكميات كبيرة ومفيدة
يعني مثلا للرياضيات ممكن تلاقي اسئلة مع حلها بعدد 30 انت بس ممكن تصوري بالكثير 5 منها فقط
وتدخلي الامتحان ولا احد قدك 100% ان شاء الله
والتخصص بعد سنة بالنسبة لتخصص غير تخصص علوم الحاسبات اي نسبة مقبولة ولو 1 من 5 !!!!!!!
لا كن نصيحة اخ لا تفكري في تخصص غير علم الحاسب الالي
وانا متخرج من الجامعة وموظف والحمد لله واحب العلاقات الاخوية بيني وبين الاخرين على شان كذا انا تحت الخدمة لاي طلب
ملاحظة / لا تخافي من الدكاترة لانه خطاء ان تخافي منهم
ولكن الصح ان تعملي بجد واجتهاد مع المواد وربي يوفق الجميع

[عيونك آخر مالي]

ثااااانكيوووو

ربي يحفظكم كلكم

شكرا والله اديتوني امل اشويه

ما تتخيلو انا مذاكرتي عشانها اشويه صعبه بالنسبه ليا عمري ما اعتمدت على نفسي والله

بس الملخصات اذا برى الجامعه حيكون اشويه صعب عليا
بس حلو اديتوني فكره

اشكركم كلكم

[ابو الوليد]

عادي لا تقلقي
ممكن اجيب الملخصات الى عندك بس بشرط على كل مذكرة 15 %
5 بنزيم المشوار
10 تعب المشوار
هههههههههههههههههههههههههههه
لا من جد اذا تبغي ممكن اجيبها لك والاجر على الله

[عيونك آخر مالي]

والله بالمبلغ اللي تبيه

بس انا حسجل في السكن الداخلي

وانتا اللي عرضت عليا تحمل ما يجيك من طلبات

اذا عندك احد بالسكن ولا بالجامعه نفسها بكلية العلوم توصلي مثلا اللي ابيه

تطلع ميه ميه

عشان انا متغربه وبعيده عن ماما وبابا >>>>>>> بدى النصب عشان تحزنوا عليها

بس عشان نتفق من الاول ما احب يكون الشغل بلوشي كذا لازم اديك بالمقابل حتى لو انك مو محتاج عشان ضميري يرتاح
وما احس انو فيه احد يصرف عليا

وعلى فكره ابو الوليد انا اخذت مقالب كثيره من اللي قولو كذا من اهل جده نفسها
اقولك يوم التسجيل تخيل رحت لوحدي انا واخويا وكان فيه واحد ضاحك عليا من الشان من اهل جده يقول
انه يعرف احد في الجامعه وانا اسجلك وانا وانا .....
وقال فيه وحده تنتظرك عند الباب اسمها فلانه
وانا زي الهبله صدقت تخيل سألت عن الحرمه يقولو ماهي موجوده
والله يومها ما انساااااه تحت الشمس ملطووووووعه انحرقت

طلعت يوم التسجيل ابكي والله لاني اتغربلت وانا ما احب اروح مكان عام لحالي ومعتمده على الحرمه
شكلها مالها وجود اصلا يمكن اسم جنيه هذي ههههه

يعني ما اثق بكذا ناس انو ممكن يساعدوا ناس عادي كذا يكونو طيبين


بالله صدق عادي ؟؟؟؟ تساعدني

[ابو الوليد]

والله عااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااادي
اصلا في بواب عندكم في السكن اسمة ابو... ( ناسي اسمة ) بس المهم ممكن اعطية واقلة يعطيك
وهو يعطيك وانتهينا المهم ربي يوفقك واحنا معك لاني انا اصلا مو من سكان جدة
فتخيلي مو من جدة ورجال وعانيت فين الاقي الملخصات ووووو
المهم احب اقولك اني جاد في عرض الخدمة
وربنا يوفق الجميع

[عيونك آخر مالي]

الايام جايه وتثبت لنا

وربي يخليك انشاء الله

وثانكيو على عرض الخدمه

بس تعال
واذا حققو معاك وقالولك مين انتا ولميييييييييين الملخصااااااات وكذا وكذاااا هههههه المشكله موجوده موجوده
وانا مابي انكبك معايا

الا من وين انتا اساسا ؟؟؟

[mind glance]

يا اخت اماسي
الظاهر في فرق بين قسم الحاسب عند الشباب وعندنا
بس اقولك كيف اللي عندنا
اول شي لما تبدأي دراسة الترم الجاي حتأخذي اربع مواد
امكن رياضيات وفيزيا او كيميا واحصا وكلها 101
معاها الثقافة والعربي101
والترم اللي بعده حتأخذي انجليزي و ثقافة102 مع المادتين العلمية اللي مااخذتيها لسة
وفي الترم التاني لك في الجامعة تقدمي على التخصص
وصار الكلام هذا على النت تسويه
اذا كانت رغبتك هي الحاسب لازم معدلك التراكمي يكون فوق ال4
والرغبة التانية لازم تحطيها رياضيات او احصا او فيزيا
ومارح تنزلي تخصص حاسب على طول في نفس الترم
حتنزلي في تخصص الرغبة التانية لك
بس مارح يكون في مشكلة لأنو في الترم التالت رح تأخذي اربع مواد كمان
وهي رياضيات102 وحاسب101 وعربي201 وانجليزي102
وهذه المواد هي متطلبات الاقسام الاربعة (حاسب -رياضيات -فيزيا -احصا) في الترم التالت
عشان كدة مايكون في مشكلة لما ماتنزلي حاسب على طول لأنو نفس المواد حتدرسيها
حتسألي طيب متى يصير تخصصي حاسب؟
اول شي لازم تعرفي انو في شي اسمه مفاضلة
عشان ماعندنا في الجامعة عدد كبير من الاستاذات يدرسوا الحاسب
مايقدروا يقبلوا اكثر من 60 او 70 بنت (امكن يزيدوا العدد لأنه يتغير من سنة لسنة)
والمتقدمات للقسم يكونو في حدود 300 بنت تقريبا
فما يقدروا يأخذوا بنات بعشوائية ويصير ظلم
يدخلوا البنات في مفاضلة يأخذوا أعلى 60 معدل مثلا (حسب العدد اللي يبغوه)
واذا في بنات معدلاتهم متساوية يأخذوا بعلامة الرياضيات وسمعت انو يأخذوا بعلامة الانجليزي بس مو متأكدة
وكدة يفاضلوا بينهم
في الترم التالت تنزل اسماء البنات اللي دخلوا المفاضلة بس لسة ما قبلوا في القسم
واذا مالقيتي اسمك في شي اسمه مفاضلة تانية تقدمي فيها وتنتظري الين الترم اللي بعده
واذا نزل اسمك تنتظري الين تنزل اسماء المقبولات في القسم(زي حالتي دحين)

وعشان المفاضلة هذه لازم تحاولي يكون معدلك اعلى مايكن
يعني امكن تجيبي فوق 4 ويكون كويس لكن يكون في 60 بنت جايبين فوق ال4.5 وتصير لك مشكلة في المفاضلة
وترى موصعب ابدا تجيبي فوق ال4.5 ومو بعيد تجيبي ال5
بس عاد حسب اجتهادك
وانا شخصيا اول ترم جبت 4.77 بس تاني ترم خبصت الدنيا عشان صارت لي ظروف
وبدون اي ملخصات ولا اسئلة زيادة ولا شي لأني احس أضيع بالاوراق الزايدة
بس الحمد لله ربي وفقني وكنت مع استاذات ممتازات

وابدا لاتخافي من الاستاذات ولا من المواد
واعطيك رأيي في المواد:
رياضيات 101 خذيه مع أساذة آسيا او رويدة مليباري وهو مثل الثانوي تقريبا وعليه زيادة وبالانجليزي
بس لا تخافي انو بالانجليزي لأنو الشرح عربي بس الكتابة انجليزي وتراه فلللة بالانجليزي(تغيير)
فيزيا 101 بصراحة ما اعرف مين احسن استاذة بس هو سهل وعربي
كيميا 101 حاولي تشدي حيلك كويس فيه رغم انه يعتبر سهل بس طويل شوية (انا اخذته مع أ.تهاني الزيات)
احصا 101 برضوا حاولي تشدي حيلك كويس وهو زي رياضيات ثانية ثانوي بس اكثر (انا انصح بأستاذة سلافة اذا كنت تحبي اللي يشرحوا بسرعة او انك تأخذي مع أ.عائشة فيومي)
العربي مرة سهل وتافه بس برضوا لا تستهوني فيه والاختبار النهائي يجي اختياري
الثقافة الاسلامية حتشوفيها سهلة لكن لا يغرك ابدا لأنو هي المادة اللي البنات يخبصوا فيها وحاولي انك تكوني دايما على اطلاع فيها يعني مو شرط كل يوم ممكن كل اسبوع
والانجليزي كله مصطلحات علمية لكنه سهل ويتفهم انشاء الله
اما رياضيات 102 اللي سمعت عنه كلام كتير و..... اقولك بعد ما يخلص الترم واشوف كم اجيب فيه (بأدرسه هذا الترم)

عارفة اني طولت عليك بس اتمنى اني اعطيتك معلومات كافية تشيل توترك

[مبرمج الحاسوب]

السلام عليكم ورحمة الله وبركاته
ممكن اعرف يا فارس جده ايش هيا المؤسسه الي انت شغال فيها
وشكرا
وبالتوفيق للجميع

[مبرمج الحاسوب]

السلام عليكم ورحمة الله وبركاته
ممكن اعرف يا ابو الوليد ايش هيا المؤسسه اللي انت شغال فيها
وشكرا
وبالتوفيق للجميع

[عيونك آخر مالي]

اشكرك اختي والله احس ريحتيني

وبنفس الوقت خوفتيني

لان عمري ما اعتمدت على نفسي في المذاكره


بس احس 4 و 5 في المعدل كثيييير ما اظمنها والله اني اجيبها


على فكره كلامك اشويه منه ما فهمته سويت نسخ والصقته في مستند نصي جديد
عشان افهمه اشوي اشوي

العيب مو منك كلامك العيب فيا انا استيعابي بطيييء ههههههههههههههههههههه


اشكرك حبيبتي

[mind glance]

العفو يا حياتي
واعذريني على لغتي العامية
واي شي تحبي تسألي عنه أنا في الخدمة

[عيونك آخر مالي]

تسلمين ياربي
ربي يحفظك لاهلك ويوفقك

اوكي يا عمري خلينا على الخاص دام احنا بنوتات
في اسئله اسألك فيها اشويه خاصه

اذا مافي ازعاج