إللي أخذوا المواد هذه ممكن تساعدوني

[CS وبس]

السلام عليكم

كيف حالكم جميعاً ؟؟

إن شاء الله تكونوا بخير:29:

أنا عندي استفسار عن هذه المواد ويا ليت تساعدوني



لغات برمجة cpcs 301

قواعد بيانات1 cpcs 241

تنظيم وبنيان حاسبات cpcs 214

تحليل وتصميم خوارزميات1 cpcs 223

احتمالات تطبيقية وعمليات عشوائية stat 352



البنات إللي أخذوا المواد هذه كيف شفتوا المادة ؟؟

ومع مين أخذتوها ؟؟ وكيف أسلوب الأستاذات إللي بيعطوا المواد هذه ؟؟

وهل المواد فيها معمل أو تمارين ؟؟


أنا أفكر أحذف مادة وآخذ ثقافة إسلامية 3 إيش رأيكم بخصوص المادة إللي أحذفها ؟؟


ومرررررة شكراً

[red flower]

كل المواد هذه اخذتها الماضي
ماعدا 214 اخذتها السنه اللي فاتت


لغات برمجة cpcs 301

سهله .. بس فيها دش كتير
طبعا الماده كل ترم ماسكتها رانيا مله
استاذه كويسه وطيبه .. بس للأسف الترم اللي فات اول مره تدخل معاها أ.دلال زهران وتمسك الماده معاها
وفي الفاينل أ.دلال حطت الاسئله
والله يسامحها جابت اسئله زي الزفت
وكلنا كنا متوقعين A+ في الماده .. بس بعد الفاينل اتوقعنا درجه سيئه
وفعلا انخسفنا مررررره
برغم ان الماده ماتستاهل اقل من A او A+


عموما ان شاءالله تمسكها رانيا لحالها ..
عشان ترتاحوا



قواعد بيانات1 cpcs 241

الماده ماسكتها د. منال عبدالعزيز
اروع دكتوره مرت عليّ في كلية الحاسب
ممتازه ممتازه ممتازه
شرحها مرره رائع .. والماده جدا ً ممتعه الحمدلله
وماشاءالله كنت فاهمه معاها مره كويس
اهم شي تركزي في المحاضرات وتسأليها لو مافهمتي اي شي
لأن المذاكره تعتمد على الفهم .. مافي اي حفظ الا في الدوري الاول
بعد كذا لو فاهمه تمشي .. لو منتي فاهمه حتضيعي
لأنو مافي شي تحفظيه .. كلو فهم


بس اهم شي تركزي وتكتبي معاها كل شي تقوله
لأنها ماتكتب الا نادرا ً



تنظيم وبنيان حاسبات cpcs 214


مادة الهاشمي :15

لاتعليق


تحليل وتصميم خوارزميات1 cpcs 223

مو صعبه
بس احنا اخذناها مع ناس مررررره مو فاهمينها
لأنو الماده كانت الترم الماضي اول مره تتدرس
وكنا ضايعين فيها
مسكوها أ. ساره ( الهنديه ) و د. مي فاضل
مره مو فاهمين
عشان كذا مااقدر احكم على صعوبة الماده او سهولتها
يمكن تاخذيها مع احد فاهم .. وتشوفيها سهله وحلوه




احتمالات تطبيقية وعمليات عشوائية stat 352


لو اخذتي احصاء 211
هذه تكرار لها بالضبط

توزيعات وتباديل وتوافيق واحتمالات ومتغير عشوائي
وجزء صغيييير هو الجديد

والماده مره سهله وحلوه

بس نصيحه لاتآخذيها مع د. سلوى
خذيها مع اي احد غيرها
لأنها ظالمه في الدرجات مرررره ومااعرف كيف تصحح




وهل المواد فيها معمل أو تمارين ؟؟

ماده الاحصاء فيها معمل ومره سهل ..
الهاشمي فيها معمل .. عادي مو صعب
بس يحتاج فهم


وقواعد بيانات فيها معمل
مرررره مهم انك تفهميه ... وبرضو مو صعب
اخذته مع أ. ديما الاحمدي
شرحها عادي .. بس اللي ساعدنا في المعمل هو اننا كنا فاهمين الماده كويس
عشان كذا المعمل عادي فهمناها بسهوله




أنا أفكر أحذف مادة وآخذ ثقافة إسلامية 3 إيش رأيكم بخصوص المادة إللي أحذفها ؟؟


اممممممممم بالنسبه لخوارزميات و لغات برمجه واحصاء عادي مافيهم مجهود كبير
بس قواعد بيانات تحتاج شوية مجهود بالنسبه للمشروع حقها
لأنو فيها مشروع عليه 20 درجه

فأنا اشوف انو صعب شويه تاخذي الهاشمي وقواعد بيانات
بس برضو مو مررره صعب لو شديتي حيلك


لكن لأنو الهاشمي انسان صعب .. فـ مادته تحتاج تفرغ واهتمام خاص


نصيحه احذفي ماده وحطي ثقافه
وقبل كل شي استخيري


والله يوفقك

[عصر الحاسب]

الله يستر عندي 214 الترم الجي , والله يابنات ما صرت اقدر انام من كثر قلقي من 214 ,و نفسيتي مرة تعبانه منه

بالله ادعولي

[Anemon]

انا اخدت كل المواد اللي منزلاها
وماعندي اي اضافه على كلام red flower
ماشاء الله كفت ووفت

والمواد كلها ممكن تاخديها في ترم واحد بس راح تنضغطي
خاصة انو في مشروع لقواعد بيانات
غير اختبارات الهاشمي كل 3اسابيع
فادا حابه انك تحذفي ماده انصحك
يا تحذفي الاحصاء وترى الماده جدااااا سهله
او لغات برمجه الماده متوسطه لكن ماهي صعبه

انا ماانصحك انك تحذفي 204 او 214 لان المادتين متطلبات لمواد تانيه
فشوفي انتي كيف المواد اللي حتاخديها السنه الجايه ادا كانت لها متطلبات لدي المادتين وقرري

وبالنسبه ل 214 يابنات لاتخافو ترى اهم شي النفسيه هونوها وتهون
ذاكرو الماده اول باول مو قبل الاختبار ب3 او4 ايام تمسكو المنهج
لا ذاكروا على الاقل نهاية كل اسبوع وانصحكم انكم تتجمعوا مع صحباتكم وتذاكروا سوا
ترى جدا مفيد وكل وحده تشرح للتانيه الجزء اللي فاهماه
ولا تستغربو ادا خرجتو من المحاضره منتو فاهمين كلمه وحده
ترى اعتمادك في دي الماده على نفسك
يعني ذاكري الكتاب وحلي نماذج الاختبارات تقريبا نص الاختبار يجي من النماذج

شدو حيلكم واتوكلو على الله
وان شاء الله ربي يسهلها عليكم

[CS وبس]

red flower

الله يسعدك يا قلبي :56:

كفيتي ووفيتي



عصر الحاسب

الله يوفقك ويوفقنا جميعاً :50:


Anemon


شووووكراً عالنصيحة يا قلبي :58:



بس عندي سؤال يا بنوتات

لغات برمجة مادة حفظ ولا فهم؟؟

وهل هي ممتعة أم مملة؟؟ :59:

وإذا ممكن إيش محتواها لو باختصار

يعني حندرس لغات برمجة جديدة ولا كيف؟؟ :73:

[mind glance]

محا أزيد شي عن اللي قالوه البنات

بس اذا تبغي تحذفي اي مادة
اول شي اتأكدي انها محا تأثر على الترم الجاي في حكاية المتطلبات
ولما تقرري تحذفي اي مادة...خططي من دحين ايش حتأخذي الترم الجاي واللي بعده

انا انصحك انك ما تخرجي عن الخطة الدراسية
بس اذا حابة تحذفي مادة
ممكن تحذفي قواد البيانات...يصير الترم خفيف وتركزي على مادة الهاشمي
او لغات البرمجة
لكن لا تحذفي مادة مرة سهلة...بالعكس دحين يبغالك كل المواد السهلة تكون معاك

بالنسبة لمادة الهاشمي
مرررة لا تخافوا ولا تسمعوا اي تخويفات من البنات ولا تصدقوها كمان
عادي كلنا درسنا عنده ونجحنا الحمدلله ولسة عايشين
هي بس شوية شدة حيل... وزودوها مرررة شدة الحيل
ومذاكرة اول بأول...حتى لو مو متعودين...لازم لازم على الاقل مرة بالأسبوع تذاكرو الكتاب<< السلايدات ما حتنفعكم بشي الكتاب هو الاساس
ولو في كل يوم تأخذوا محاضرة ترجعوا البيت تذاكروها من الكتاب افضل وافضل
وحاولوا تذاكروا جماعي في الجامعة...المذاكرة الجماعية في هذه المادة بالذات جدا جدا جدا جدا ضرورية
وجيبوا نماذج الاختبارات للسنوات السابقة تفيدكم كثير

بس عندي سؤال يا بنوتات

لغات برمجة مادة حفظ ولا فهم؟؟

وهل هي ممتعة أم مملة؟؟

وإذا ممكن إيش محتواها لو باختصار

يعني حندرس لغات برمجة جديدة ولا كيف؟؟
لغات البرمجة ما بين الفهم والحفظ
لكن اعتقد الحفظ فيها اكثر
ممكن تكون ممتعة...اذا عرفتي تستمتعي فيها<< يعني هي بالاصل عادية
وحتدرسوا فيها الاسياسيات العامة لكل لغات البرمجة بدون تحديد
وحتعرفوا اعتقد ايش هي لغات البرمجة القديمة

[Nosa]

ما شاء الله الكل كفى ووفى

بس عشان انا عارفة الرعب اللي عندكم من مادة الهاشمي .. أحب اطمنكم زي ما قالت مشرفتنا مايند قلانس
المادة مو معجزة ولا صعبة والله .. بس متعبببببببببة
زي ما قالت ذاكروا أول بأول بس انا نصيحتي تذاكروا كل محاضرة في يومها لا تأجلوها لآخر الاسبوع كلها سواا لانه محاضراته سريعة التبخر :15:
فحتاخذ منك جهد أقل لو ذاكرتيها على طوول
وحخليكم متابعين معاه اول باول وتشاركوا في ساحة الحوار .. ترا دي الاشياء بيحطها في عين الاعتبار

وطبعا زي ما قالت المذاكرة الجمااعية مهمممممة وولا وحدة تدخل الامتحان قبل لا تمسك النماذج وتحلها بيدها
وزي ما يقول داايما .. اسمعوا كلامه وامشوا معاه من البداية خطوة خطوة وما رح تتعبوا باذن الله

وماشاء الله في بيجيبوا a+ عنده فلا تحسوا انه الموضوع تعجيز

وان شاء الله ربي يسهلها على الجميع

[عصر الحاسب]

بنات الله يوفقكم يارب والله ماتعرفوا قد ايش ساعدتوني , اكثر شئ مخوفني من 214 انه آ.دلال زهران قالت لنا ماتتصوروا قد ايش 214 صعبة حتى تعرف بنات شاطرات حملوا المادة 4 مرات.:64:
الله يسعدكم ويجزاكم خير:57

[Anemon]

بنات نصيحه خدوا مادة
تحليل وتصميم خوارزميات1 cpcs 223دا الترم
لان في اشاعه طالعه في الكليه ان الهاشمي راح يمسك الماده السنه الجايه
فخدوا الماده واخلصوا منو

[silver shadow]

ما شاء الله البنات كفوا ووفوا
بس انا حبيت اضيف حاجتين
الاولى: دلال زهران بطبعها انسانه مبالغه
مافي بنات حملو الماده 4 مرات
الثانيه: خوارزميات فعلا الترم الجاي حيدرسها الهاشمي
مو اشاعه هو قلنا انه الترم هذا حيدرسها اولاد والترم الجاي حيعطيها بنات

والله يوفقك انت استخيري والله يسير لك امرك

[CS وبس]

يسعدكم ربي جميعاً

مشكوريييييين يا بنات من جد ساعدتونا :58:

الله يوفقكم ويسهل لكم أموركم يااااا رب :54:

[مسلمه ويكفيني فخرا]

امممممم...ذكرتوني...وربي شي مضحك...

اول ماقال انا حدرسكم السنه الجااايه....ماده خوارزميات

وحده من البنات قال لالالالا يادكتور طبعا بصوت شوي واطي...

انا متأكده انه سمعها...بس والله لو شفتوا اشكالنا وهو قالها تضحكو علينااااا ههههههه
ذكريااات الررررررعب....هههه

بالتوووفيق....