المساعد الشخصي الرقمي

مشاهدة النسخة كاملة : طقوسك الخاصه في المذاكره .. أرجو المشاركه

متفائل بحذر
16-09-2005, 09:21 م
السلام عليكم ..
لكل شخص طريقه مميزه في المذاكره من حيث المكان والزمان و الأجواء المرافقه ..
و أعتقد كل شخص بطريقته في المذاكره يبرز شخصيته الخاصه ..
فيه ناس يعتمدون بشكل كبير على المحاضرات بحيث انهم على الأقل يطلعوا بـ 60% من فهم الموضوع .. وفيه ناس عكسم تماما ..
فيه ناس يحبون يعرفوا كل صغيره وكبيره .. وفيه ناس يركزوا على الخطوط العريضه فقط ..
فيه اللي يحب يذاكر في العصر وفيه اللي يحب يذاكر في الليل .. وفيه اللي يذاكر بين المحاضرات ..
فيه اللي يستخدم النت للحصول على ملفات بي دي اف او غيرها من الملفات .. وفيه اللي يعتمد على الكتاب وفيه اللي يعتمد على المذكرات وفيه اللي يعتمد على الـــ lecture notes وفيه اللي يسوي تشكيله على مزاجه ..
فيه اللي يحب يذاكر في البيت وفيه اللي يحب يذاكر مع اصحابه .. وفيه اللي يحب يذاكر عند البحر او في ستار بكس ..

يعني هناك اختلافات كثيره بين الطلاب في طقوس المذاكره .. وودي اعرف الطقس الخاص لكل طالب .. وكيف يقدر يحث نفسه على المذاكره بدون ما يطفش !!


تحياتي للجميع ..
alol
16-09-2005, 09:41 م
بصراحة انا مرررررة ما اهتم بالتفاصيل
و ما اقدر احفظ شي زي ماهو لازم أؤلف شوية
و ما احب اذاكر ورا بعض لاني اطفش
و مرة انا من الناس اللي اذا زنقهم الوقت يخلصو و يبدعو ( غريب بس انا كدا)
و شكرا يا متفائل على الموضوع الحلو
eminem lover
16-09-2005, 10:15 م
موضوعك حلووو يا متفائل على الاقل نعرف طرق مذاكره جديده يمكن تكون احسن من اللي تعودنا عليها
انا عن نفسي ما اذاكر اكثر من ساعه ساعه ونص بالكثير عصريه وزيها فاليل
طبعا لازم اسمع صوت ايمنيم وانا اذاكر وشي بارد اشربو
وبس امسك ورقه وقلم وابدا اكتب عشان احفظ
ولو اللي ااذاكرو يعتمد على الحفظ ميه فالميه اخذ كتابي واتمشى واحفظ والحمد لله
GAME OVER
16-09-2005, 11:25 م
أنا بصراحه اجلس اكتب طوووووول الترم في الكشكول بخط ملخبط ومو مفهوم ،، بعدين قبل الاختبار بيومين

ارجع اكتب كل اللي كتبته من جديد في دفتر وبألوان وخط حلو ،، صحيح ما يسويها إلا واحد فااااااااااااااااضي

حتى الشباب كانوا يتريقوا عليه ، بس تعودت على هذي الطريقه من سنه رابعه ج :44: ، بس وانا اعيد كتابة اللي

كتبته اول احاول اني افهمه واحفظه عشان كذا ما أخلص من كتابة المنهج الاو أنا فهمت 95% منه ،، ترا طريقه

مره جيده بس متعبه جدا جدا جدا
الشاكي
16-09-2005, 11:51 م
جيم أوفر

أنا كنت أسوي زيك

لكن والله تتراكم علي وأطنشها

وأصير أذاكر من كذا دفتر

قلت ياولد

أكتب بقلم واحد وسيبك من شغل العبط
bent mankoosha
17-09-2005, 12:04 ص
طقوسي عادية بس مش الكل يمشي عليها

اول شي في المحاضرات
استخدم كشكول واحد لكللللللللللل المواد سواء خمسة او تمانية مواد
وما ابيض
وهو نفس الكشكول اللي اذاكر منه في الامتحانات

ما اذاكر اول بأول الا نادرا
بس بما انهم كل اسبوع بيعطونا كويز
وساعات تلات مرات او اكتر في الاسبوع
بأضطر اذاكر

ما اعرف اذاكر
غير بعد الساعة 1 في الليل
يكون البيت كله نايم
ويكون الوقت قليل فأضغط نفسي لين ما اكمل

احاول اعتمد على اني القط قد ما اقدر في المحاضرات

مع اني ادبي
بس برضه عمره الحفظ ما يمشي
قسمي ادب انجليزي
يتيح لي في بعض المرات
اني افهم الهرجة و أرصها بأسلوبي على ورقة الامتحان
يعني المهم اني وصلت المعنى الصحيح

بس و هيا دي طقوسي

ويسلمو
wizard
17-09-2005, 01:20 ص
كل مادة ولها دفترها وتخطيط واي شي وتسطير لمن دحين

وانا ما اسيب ولا فتفوته كله ينكتب
samooorah
17-09-2005, 03:37 ص
كيف ازاكر
تصدقوا أنو ماما ساعات تقعد تسمعلي الحاجات إلي يبغالها حفظ
مش دلع بس عن جد ما أقدر أحفظ إلا ازا سمعت لأحد !!
عادة المواد العامة >>>> الأدب أو الثقافة و الكلمات تبع كتاب 504 مادة Lane 104
بس الترم إلي فات صارت معجزة >> زاكرت الجغرافيا لوحدي و جبت مجموع 96
خطيير مش كدا؟
وقت المزاكرة يكون أممممم
أي وقت هادي و أكون هادية و شبعانة و مش نعسانة و قاعدة في حتة مريحة دافية
ليدر أستوديو هبقات
17-09-2005, 06:59 ص
بالنسبة لي فطريقة المذاكرة غير لأن طريقة الدروس غير

طبعا ً رسم

لذلك كنت ما أستطيع أن أرسم إلا إذا كان البيت فاضي أو على الأقل يكونوا نايمين تلقاني أقفل على تفسي

وأمد سماعات الكمبيوتر

وأشغل أنواع الأناشيد

وأدخل أحلى جو

طبعا ً جزاها الله خير الوالدة

شوي صلطة فواكه

وشوي شاهي وبسكوت

ولا ترتاح إلين أخلص وكأنها مدرسي

لكن من هذا الترم حيكون الرسم والتصميم بالكمبيوتر

والقعده في الكلية مو في اليت

فمني داري أبش حتكون الطقوس؟؟؟

وشكرا ً على الموضوع
متفائل بحذر
17-09-2005, 06:06 م
كلام جميل جدا ..
باقي انا ما قلت طقوسي .. في المذاكره
انا ما ارتاح في المذاكره الا لازم احط كل شي يخص الماده قدامي .. من كتاب او مذكره او خطة الماده او اسئلة اختبارات .. الخ
واجيب اوراق تصوير فاضيه وابدأ .. أول شي اقرا بشكل سريع المره الأولى.. والمره الثانيه اقرا بتركيز شويه .. المره الثالثه اركز على كل كلمه وحرف .. وبعدين ارتب الأفكار والمعلومات في راسي .. وابدا آخذ عينات عشوائيه من الأمثله ومن التمارين ومن الواجبات ومن أسئلة الاختبارات .. وابدا احلها .. وطبعا لازم يكون القاموس معايه .. لأنه صديقي العزيز

وبعض المرات مو كلها اذا كنت على النت .. وفاضي .. يعني طفشت من المسنجر وما باقي شي اشوفه .. اروح لصديقي العزيز الثاني .. موقع قوقل .. وابحث عن ملفات بور بويت او دكيمونت او غيرها عن بعض المواضيع .. واحصل اشياء كثيره مفيده .. ومشروحه بطريقه جذابه ..

بالنسبه للمحاضرات .. فانا ما اهتم كثير بالكتابه .. اكتب الأشياء اللي احس انها ضروريه بالمره .. مو كل شي اكتبه .. اهم شي اركز مع الدكتور

تحياتي لكم ..
triples
17-09-2005, 07:30 م
اففففففففففففففف اما انا

بذاكر من كل مكان النت اوراق ومذكرات المحاضرات و و و ولا اخلي شيء
وايام الاختبارات احس اني راسي يكبر من المعلومات الي فيه واول ماينتهي الترم اسوي فورمات لراسي فيرجع الى حجمه الطبيعي

وهذه هي الهندسه لازم تذاكر من كل مكان لانه عاده الدكتور في المحاضره مابيعطيك الا جزء بسيط من الدرس وانت عليك الباقي وخاااااااااااصه في اخر سنه في الهندسه

شكرا لك اخي على الموضوع


تحياتي
sokoon
17-09-2005, 09:19 م
طريقتي في كتابة المحاضرات : أكتب كل شي تقوله الدكتورة وما أخلي شي يفوت عليّا .. ولما أرجع البيت أجلس أبيضه .. شغلة متعبة جداً لكن اتعودت عليها ..

أما طريقتي في المذاكرة : أول شيء لازم أكون نايمة في الظهر عشان في الليل أبدأ بعد العشا .. طبعاً إذا كان عندي اختبار أذاكر أما طول السنة مدري عن أي حاجة في المنهج وأحياناً ما أكون فاهمة شيء .. بس ليلة الاختبار أبدأ أشرح وأفهم نفسي واللي فهمته يمشي واللي مافهمته مو لازم .. يعني لو ما قالوا بكرة اختبار يكون يومي كله تبييض محاضرات .. شي يطفش بس متعودة .. والمذاكرة تكون في غرفتي وأقفل على نفسي الباب ويا ويل لو أحد دق عليّا يصير بركاااااان .. وبسسسس
Taurus
23-09-2005, 05:53 ص
أنا طبعًا لازم أكتب في المحاضرة ...
لكل مادتين دفتر بس هادا السمستر خليت أربعة مواد في دفتر واحد
أقلام الهاي لايت مهمة جدًا عشان التخطيط في الكتاب ...
لازم يكون في ألوان عشان أذاكر بارتياح ...
ممكن أدوفر و أذاكر في العصر إذا كان في دافع >>خرجة في الليل مسلا
و لا نبدأ بعد العشا...

و مرة انا من الناس اللي اذا زنقهم الوقت يخلصو و يبدعو ( غريب بس انا كدا)

ما غريب إلا الشيطان ...
أنا وحدة من الناس دول إذا نمت و صحيت و لقيت الوقت متأخر أحترم نفسي و عيني في الكتاب و بس..
لأنو العادة أدندن و أغني في نص المزاكرة..
و لأنو أحب الكومبيوتر ممكن أطبع حاجات على الكومبيوتر >>>عباطة بس عشان أدخل المنتدى ..
و ممكن أشرب عصير برتآن و لا كباية شاي من ايد الست الوالدة..
أحب يكون شكلي مرتب و أنا بأزاكر ...
في مواد أحب أزاكرها مع غيري خاصةً لمن أقفل لازم أحد يزاكر معايا..
أفضل إني أزاكر مع شخص واحد...
ايش كمان؟؟
يعني بالعموم الانتباه للمحاضرة مهم عندي >>هادا مايمنع انو أضحك يعني...
و بس ...

شكرًا عل الموضوع الحلو يا متفائل..
عــــامـــر
23-09-2005, 03:02 م
اماااااا انا لاحد يقلدني ما راح يمشي حاله

انا ما اكتب في المحاضرات مره ولو في كتباه يعني ضروريه لازم اكتبها انقلها من واحد من الشباب

وقت المذاكره
ما اذاكر غير قبل الاختبار بيوم ولازم يكون بعد الساعه 12 في لليل على رواقه بس لو عندي مادتين في نفس اليوم لا سمح الله
اضطر اني اذاكر بدري وطبعا على حسب الما\ده نفسها ووقت الماده لاني اعرف كل ماده تقريبا كم يحتاج لها مذاكر من الاختبراات الدوريه

وبسسسسسسسسسسسسس
طالب جديد مرة
22-03-2008, 11:29 م
بالنسبه لييييه

مستحيل أزاكر و معاايا أحد في الغرفه

إن شالله لو حتى كاان سااكت و ماا بيتنفس

كماان أحووب أزاكر عالأرض ما أعرف أزاكر على التيبل

بأحووب أشررب حااجه و أنا بأزاكر

جووس مووويه إني ثينج

كماان بأحووب تكوون معاايا حااجه في يدي ألعب فيها

زمااان بأستولي على ألعاب بنت أختي

دحين كبرت خلاااص

ثااانكس......
تشيز كيك
23-03-2008, 03:06 ص
اما انا

احب ازاكر في الليل

كيف

امم لازم اكل ولمن ازاكر لازم كل سي مرتب عندي ماعرف وماحب ازاكر الا في غرفتي

والوفت على حسب مزاجي ممكن انام لمن 12 واصحى ازاكر اهم شي انام كويس

وازاكر من الكتاب والملخص والدفتر وكل حاجة ههه مسوية شاطرة

ولازم مرسام معين معايا

امم ولازم كمانا النور يكون ابيض ماعرف في الاحمر

وهو هذا واهم شي معيا كوب قهوة تركي

تحياتي
همس المشاعر
23-03-2008, 10:48 ص
انا عن نفسي احب اذاكر في مكان هادي ومافي احد

و اذاكر من المحاضرات وبس

ومشي الحال وتخرجنا
banoota mnkoosha
23-03-2008, 06:24 م
عجبني الموضوع ,,,

اول شي ...اذاكر في النهار يعني لو جا المغرب وماخلصت المنهج على طول دمووووووووووووع ... بس 3 ثنوي كانت حالة خاصة كنت اروح المدرسة واكون قبلها بكم دقيقة مخلصة المنهج :)
كيف اذاكر ؟؟؟ بفهمي ما اقدر احفظ بالنص .. عشان كدة اكره مواد الدين لانها مرة تتعبني !!
اممممم اذاكر اول باول مو شرط مرة حفظ وفهم بقوة اهم شي اني مريت عالدرس وفهمت عن ايش يتكلم سواء من الكتاب ولا من المحاضرات ... اما المذاكرة الحقيقية قبل الاختبار بيومين او 3 تقريبا ,,,,
وقبل ما ابدأ لازم يكون معايا اقلام الوانها فرفوشة وتحمس واجلس اخطط كل الكلام اللي قرأته ( يعني كل الكتاب ) .... طبعا بعد ما اخلص الكتاب يكون شبه طلاسم :)
الجو .. نفس المكان اللي اذاكر فيه لازم يكون هااااااااااااادئ بس برة المكان لازم اسمع صوت اي احد او اي شي .....

بس تقريبا كدة ....
mansoor
23-03-2008, 07:45 م
السلام عليكم ورحمة الله وبركاته
انا احس اني عادي جدا في المذاكره احفظ واكرر المراجعه مرتين وخلاص ترسخ في المخ
بس فيه زميلي اسمه عامر هذا اعجوبه ياناس
الرجال الله وهبه قدره خارقه على الحفظ لدرجه(وبدون مبالغه) انه اذا جاء الامتحان ودخل قاعه الامتحانات وجلس يتذكر المعلومات
اذا مايتذكر رقم الصفحه مايقدر يحل لازم اولا يعرف رقم الصفحه وفي اي جزء من الصفحه وبعدها يحل
بقول لكم قصته مع الانجليزي
الاخ ميييح بالانجليزي ولا يعرف اي شي بس دائما درجاته بين ال B وال +B لقيت الاخ لما يجيه اي سؤال يشوف اي كلمه غريبه بالسؤال ويجلس يتذكر الصفحات اللي مرت عليه لما يعرف الصفحه وفي اي جزء يقوم كاتب الاول والتالي بالصفحه وطبعا يكتب اشياء ماهي مطلوبه بس يكتب ايضا المطلوب
بس تكفوون قولو
مـــاشــاء الــلــه عــلــيــه
noo0oona
24-03-2008, 08:27 م
السلام عليكم
انا احس بأغلب اختباراتي تكون حالتي صعبه
اعصابي فووووووق وطبعا لان اختي معاي بغرفتي فأحيان اطفشها عشان تخرج
تخيلو مره كانت طفشانةوتتأفف قمت اقولها لاتتأففي ترى توتريني كذا>>>ههههههه مشاااااااكل
انا طبعاماذاكر طووووووول الترم طبعا كل ترم جديد اقول هالترم حابدا اول باول بس طبعا كله بالهوا
بس احس نفسي الحمدلله احسن من غيري في بنات ياخذو وقت طويل جدا و يمشو ع اشياكثيربس قراءه
بس جدموضوع حلو ومفيد :)
أعز إنسانه
28-03-2008, 06:39 م
ياسلاااااااااااااااام 000

فكرتوني بمذاكرتي بأياام التوجيهي 000 قبل كل شي بقوول لكم على شي 00 كنت اقووول وكنت فرحااانه حيل لما كنت اقووول 000 بوقتها انو 000 اسمعو الهرجه 00
كنت اقوول لصحباتي وماماتي وباباتي وخواتي وعمتااي وكل النااس اوووووووووف متى ادخل الجامعه وافتك من التعب والهم والمذااكره 00 والدفرنه اللي انا فيهاا 000 حااكم ماشااء الله كنت داافورره 000هههه 00 قلت بمجرد حدخل الجامعه وادرس 00 رااح العب واهييص واسيب الدراسه تجي زي ماتجي 000 ابغى اسيب هالمرحله لعب ووناااسه وفله 00

والله وانصدمت انو هالمرحله تحتاااااج جهد اكبر 00 والله كررررررف لكن مااعليه متونسين 00 احلااااام فاضيه 00 قال ايه قاال العب واهيص واسيب الدفرنه 00

المووهم 000
طقووسي بالمذااكره 00 اممممممم
هو طبعاا شي اساسي يكووني عندي مذكره لكل الموااد 00 يعني خمسه سته موواد بمذكره وااحده واكتب فيهاا ملخصاات للاشيااء المهمه بس 00 واوقاات يتخللها رسوومااتي وخواطري بنص المحااظره اذا زهقت 000
لكن طبعااا تدويني لملاحظني يكوون بالاقلام الملونه 00 ( طبعاا مقلمتي معااي بكل مكككان اللي تبغوون فيهاا ))))))))))))
طبعا انو نذاكر بدري 00 احسن 00 نبدء من بدرري ونخلص بدري عشاان نناام بدري 00 لانو وحيااه الله ما ااقدر اسهر لبعد وحده بالليل مذااكره 00 لو عندي فيلم بتابعو فوالا لكن مذاكره نو وي 00
المووهم ما احب تكثر علي الاشيااااء واتشتت 00 يعني اوول باوول انظم كتاباتي واجمعها بنفس الكتااب 000
وشي اساسي داايم اسوويه 00 اذا خلصت من مذاكرتي اقرا ايه الكرسي على دمااغي ويداتي 00 على اساسا انو ايه الكرسي بتمدنا بالطااقه 00 وفيها البركه0 واختمها ( اللهم استودعتك ماحفظت فأعده لي وقت الحاجه 00 )

تقبلو مروري واطالتي 00
banoota mnkoosha
29-03-2008, 03:13 م
هههههههههههه ... كلنا نقول متى تجي الجامعة ونفتك من الدفرنة والتعب والكرف !!

نبغا نهيص وننبسط .... طلع العكس والله المدرسة ارحم من الجامعة ,,,
ساكنه في بيتنا
29-03-2008, 05:53 م
من جد و الله يا نكش

اقلها حاجه الواجبات في المرسه كنت تنقشيها من الكتاب و تخلصي اما تحين :11:


على العموم انا من يوم ما دخلت الجامعه اتغير اسلوب مذاكرتي .. بس اللي ما اتغير انو ايام الاختبارات لاااااااازم النوتيلا تكون جمبي ..

و يلا ادعولي عشان بكره عندي اختبار ..
المتفائلة
29-03-2008, 11:43 م
:11::11: جات على الجرح

طبعا انا راح اتكلم عن الدراسه في الجامعه لانو اختلفت طريقة الدراسه 180 درجه
لو جينا نقارنها بأيام المدرسه

طبعا أحاول اني ألخص الاشياء اللي بتقوله الدكتوره في نوته لكن ولله الحمد مايمديني اراجعها ولا افتحها ايام الاختبارات(بس ماخذتها حجه وعلشان مااندم واقول اني ماسجلتها :43:)

ماادور على شي اضافي يكفيني الشيت وأكون مسجله فيه الاضافات اللي تقولها الدكتوره

طبعا المكان يجب ان يكوون خالي من كل شي حتى الاكل والشرب
واخذها حجه كل بعد 5 دقايق اخذ راحه

من النوع الملول ومااحب اجلس على شي فتره طويله (طبعا فيما عدا النت :43:)
احب ارتب الشيتات واقسمها على حسب الايام
واحب اعد عدد الاوراق وكل مااخلص من صفحه اعد كم باقيلي :63:

أبدأ من الساعه 6 تقريبا وانتهي على الساعه 12 أو 1 في الليل (فقط في ايام الاختبارات)
مشاعر
31-03-2008, 08:22 م
أما أنا لمن أزاكر مافي أحد يقدر يجلس معايا في الغرفة لأني أزاكر بصوت مرررررررة عالي أيا كانت المادة حتى الاحصاء والتحليل الكمي بنفس الطريقة وأيام الثانوي كنت أزاكر الرياضيات كدا كمان وطبعا لازم جنبي كاسة موية من الي بأسوي في نفسي أكيد حلقي حينشف


مشاعر
miss gamma
31-03-2008, 10:36 م
اما انا مذاكرتي شوي غريبة بس اسلوب انا احبه
يعني اولا عندي غرفة بعيدة شوي عن باقي الغرف فيها اذاكر
واحب يوم الاختبار اعمل خطة قبل المذاكره
يعني امسك ورقة وقلم واكتب انا كيف حذاكر
يعني مثلا امسك اول المحاضرات بعدين الكتاب بعدين الواجبات.....وهكذا
وكل مااخلص من شي اعمل علية تشك <= مره مبسوطة في نفسي:44::44:
ولمن اتاخر في المذاكره يجو اهلي يتفقدوني مت ولا لسا :59::59:
واحب المذاكره في الصباح
واذا مليت اروح اطبخ <=:44::44:
ويعطيك العافية على الموضوع
Rose
20-04-2008, 02:10 ص
طقوسي بالمذاكرة ..؟؟

لا إله الا الله .. يطيح علي كل شي يوم الامتحان ..! أفكار للوحات .. طبخات ..خلطات .. ترتيب .. زيارات ..رسايل جوال .. ما ابقي مقطع ولا انشودة بالجوال الا و اسمعها ..!


بعدين بعد ما امسك نفسي بالقوووووووووة اقول اوووووووف :35: و اجلس اذاكر و انا اقول اوووووف :9: و ينعرف صوتي ..! بعدين اقراء ..اقراء .. و انا ادعي و ادعي و ادعي على اللي مزعليني و اخلاقي يا انها تصير عسل مصفى ..!:33: :33: :33:


و اشخمط و اكتب قصايد و ارسم رسمات صغنونه و انام شوي و اقوم اسوي كل انواع المشروبات اللي تخطر على البال .. قهوة..قهوة بالكراميل .. قهوة بالحليب..قهوة بالفانيلا ..قهوة سعودية .. قهوة تركية ..شاهي .. شاهي بالنعناع .. شاهي بالحبق .. آيس تي .. مشروبات طاقة .. ببسي ..سفن أب .. سيزر .. ربيع .. يوووووووووووووووووه اهم شي عندي شي اشربه و انا اذاكر ..!:22:


الله يستر و ينجحني بس ..
اطياف الماضي
20-04-2008, 08:56 ص
انا طريقتي في المذاكرة اتوقع انها عادية واحاول اني اغيرها ..يعني ابدأ مثلا بالوحدة الاولى اقرأها قراءة عادية واخطط بالمرسام على الاشياء اللي احسها مهمة واركز عليها بالتكرار او الربط والفهم بعد مااخلص الوحدة ارجع اسمع لنفسي الاشياء المهمة على طريقتي المهم تكون نفس المعنى ..واحب يكون الجو هاديء وبعيد عن المؤثرات زي التلفزيون والكمبيوتر تفاديا للجاذبية الناتجة عنهم واحب كمان اشرب منبهات كالنسكافة والكابتشينو تساعدني على الاستيعاب ووقت مذاكرتي يكون اما في الليل او في الصباح
ودمتتتتتتتتتم سالمين
* تركي *
22-04-2008, 01:35 م
حلو موضوعك ، ع الاقل ناحذ شوي افكار جديدة :)


اما انا من يوم ماعرفت نفسي ، وانا ما اكتب بالكلاس ..

اول شي احضر الدرس بالبيت واحدد النقاط الي مو فاهمها ،،، بعدين اروح للكلاس ومامعي لادفتر ولاقلم ... افهم مع الدكتور واسأله عن النقاط الي مو فاهمها ، يصير اطلع من المحاضرة وانا فاهم كل شي .... وبعدين خلااص انسى هذا الدرس ولا اراجعه الا بليلة الاختبار :43:

وهكذا ، ....

واحب اذاكر براا ، بالذات لما يكون الجو حلو

بس يا حسافه من سنة لسنة ننتظر الاجواء الحلوة :11: ،، فا اضطر اني اقعد بالبيتـ،،
!!توصي شيء!!
22-04-2008, 01:51 م
موضوع مره حلوو ،،

الصراحه أنا أيام الدراسة كلها اتعودت أذاكر مع أمي حتى الواجبات أحلها معاها ،،

وإلى حد ثالث ثانوي وأنا أذاكر وأحل معاها ،،

حتى لو عندي بحث تسويه معاي ،،

ويا حرام ما تخرج من البيت لما يكون عندي إختبار ولما أخلص يكون يوم العيد عندها ،،

بس لما جيت الجامعة طبعاً بعيد عن اهلي ،،

انصدمت في أول إختبار كان ثقافة ما عرفت اذاكر ،،

كانت الحالة صعبة شوي بالنسبة لي وما كنت أعرف أحد عشان يسمع لي ،،

والحين صرت اذاكر لوحدي بس ما أحب أكتب بالقلم الرصاص أو أي شخبطه في الدفتر ،،

أحب التنظيم جداً جداً ،،

أكتب المحاضرات في كشكول ولما أرجع أرتبها في دفتر ثاني ،،

حتى الدفتر الثاني ما آخذه الجامعة إلا في الأزمات بس يعني إذا خلص الكشكول ،،

ولما أذاكر أكون طبعاً في رجه يعني عندي أحد يسولف وأنا اذاكر ،،

واكتشفت اكتشاف غريب جداً ،،

لما اذاكر وأنا لوحدي وأكتب وأشرح لنفسي ما أحل ،،

ولما اذاكر وأنا أسولف وأطالع شوي وأروح أطبخ شوي آخذ الدرجة الكاملة ،،


موضوع حلووووووووو واستفدت منه كتيرر ،،


أختك
!!توصي شيء!!
GAME OVER
23-04-2008, 01:23 ص
اممممم

انا اول سنه في الجامعه لو تصدقوا ،، ماكنت اذاكر الا في المسجد اللي جنب عمادة القبول والتسجيل

تخيلوا بعض الايام يكون اختباري 1 الظهر ، احضر هناك 7 الصباح

سبحان الله جو مساعد للمذاكره

وجو المسجد والركعتين قبل كل اختبار كانت سبب التفوق ولله الحمد ،، نصيحة مجرب
عاطل بس دافور في القانون
24-04-2008, 07:39 م
أنا كنت أحب أزاكر بس دحين والله من جنبها
عباطة
30-04-2008, 10:02 ص
الله يعين والله الواحد ماله نفس يذاكر
node
17-05-2008, 07:16 م
طريقتي في المزاكرة
طبعا ابداء بعد اخواتي ماينامو والبيت يكوون هدوء ولازم مخدات حوليني عشان احس بحنان شويه
و ادور على ابسط منهج للماده واقل منهج (ماااحب الكلام الكتير اللي مايودي ولا يجيب)
وبعد كدا اجيب كل شي للماده حتى المناهج الصعبه عشان ارمم منها ازا احتجتها
وابدء ازاكر اصعب فصل عشان احس انس خلصت نص المنهج يعني احمس نفسي شويتين
وبعد كدا اقسم المنهج على 3 ايام والرابع مراجعه
بس مشكلتي في الحفظ مااعرف احفظ
سمر
19-05-2008, 01:57 م
انا طريقه عجيبه بس انا مرتحه عليها بس متعبه كثير
وهي ادرس وانا اتمشي ما اقدر اجلس ولا دقيقه لازم تكون غرفه كبيره مشان امشي فيها واكون وحدي فب الغرفه
بصرحه طريقه صعبه انك تمشي 12 ساعه في ايوم
في أحد طريقه زي؟؟
طريقه كويسه جربوها....
شـكــ وبارك الله فيك ـــرا لك ... لك مني أجمل تحية .
LoLeSha
15-06-2008, 11:06 م
موضوع مره حلو .. واستغربت لأشياء كتيرا .. :37:
بس حكاية ستار بكس "حاولت اخليها تدخل دماغي بالطول بالعرض ما زبطت " اكتر مزاكره عجيبه سمعتها :15


امم المواد الحفظ (عربي . ثقافه ... الخ ) الكتاب يوفي ويكفي .. :73:
المواد زي (فيزيا .. ماث ) اكتب المحاضره لكل المواد في دفتر واحد ..
ما ازاكر يوم بيومو :13:
بس ازاكر المواد الحفظ لما الاقي نفسي فاضيه
ومواد الفهم لما اكون ما عندي شي اقرأ المره الأولى
بعدين اقرا بشوية تركيز بعدين اروح لأقلامي الملونه واجلس ألون الملزمه بالتأشير :21:.. الموهم تكون مرتبه علشين يومة الاختبار لا اتعب كلو مرتب :59: .. والاشياء المعقده افرعها او ارتبها في اوراق خارجيه وتدبس في الملزمه .. :73:


ووقت الاختبار تكون المزاكره بسيطه ^_^
و الأغلب من الصبحيه إلما المغربيه وبالكتير 9 ونص .. وعايدي تحصل وازاكر الليل او اي وقت ..
والغرفه مافيها احد ولا في الغرفه اللي جمبها ولا اي صوت :29: .. بس كل نص ساعه اخرج للبريك
واشوف قبل كل بريك كم صفحه بقية من جزئية قبل البريك علشين اخلصها واروح للبريك وِ " لازم بريك .. لازم نت "
ومعايا مخده وقدامي ساعه وجنبي عصير فرش اوشاهي اخضر او حليب + مويه ..
ودرجة الغرفه زي اسكيمو .. والستاير في الصباح لازم مفتوحه .....

هههه وطقوس ما تخلص بس دا المهم :53:

وربنا يوفق الجميع يارب ..
LoLeSha
15-06-2008, 11:09 م
سمــر كل سنيــن المدرسه كنت ازاكر ونا امشي ..
ما كانت ترضى المعلومات تدخل إلا لازم امشي ..
ويومة اختبار الأحياء لنو طويل ويبالو جري مو مشي بس .. و24 ساعه .. يكون اصعب شي :(

بس الحمـد لله اتغير النظام مع الجامعه ..
mS.rOsY
16-06-2008, 01:38 ص
انا مزاكرتي فلة


ياما فوق سريري وقدامي اللابتوب

او في الصاله قدام التلفزيون

بس ساعات ازاكر ساده بدون شي

واهم شي مرسمه في يدي

ماحب ازاكر بقلم لازم مرسمه

عشان اشخمط تحت الكلام واسوي خطووط

واوقع واكتب اسمي:2:


واكره مزاكرة الصبح

احب ازاكر في الليل مغرب عشا وبعد

وماعتمد كتير عالمحاضرات

اعتمد على نفسي

وماحب المزاكرة المتواصله ازاكر واهبق شويه من المزاكره

وابدا قبل يوم الاختبار بوقت عشان يمديني اتسلى وقت المزاكرة لاني ماحب انضغط كمان:43:


موضوع مميز

يسلمو
العالمي
16-06-2008, 07:31 ص
بالنسبه لي طريقة المذاكره في المواد النظريه خااصه

احب اقرا الكتاب كاامل بتركيز واظلل الاشياء المهمه

يعني من الجلده الى الجلده وقبل الاختبار اراجع الجزء

المضلل بس +نماذج اسئله .. والحمدلله درجاتي في

المواد النظريه من 80 واكثر...بس انا طبعي هااااوي

قرايه يعني ماأطفش من القرايه..الحمدلله..غير كذا انا

لاحظت ان اغلب الملخصات ماتنفع ولا تعطي الماده حقها

اتمنى التوفيق للجميع